Mayın 3-də Heydər Əliyev adına Müasir Təhsil Kompleksində Heydər Əliyev Fondunun dəstəyi ilə Ulu Öndər Heydər Əliyevin anadan olmasının 91-ci il dönümünə həsr olunmuş «Məktəblilərin VII İntellekt Olimpiadası» keçirildi.
Modern.az xəbər verir ki, olimpiadanın açılış mərasimində kompleksin direktoru dosent Sevinc xanım Rzayeva çıxış edərək iştirakçıları salamladı və qeyd etdi ki, Ulu Öndər Heydər Əliyevin xeyir-duası ilə açılan və onun adını daşıyan bu təhsil müəssisəsi onun verdiyi tövsiyələri əldə rəhbər tutaraq təhsil sahəsində daim uğurlara imza atır. 2008-ci ildən etibarən hər il Heydər Əliyev adına Müasir Təhsil Kompleksində Heydər Əliyev fondunun dəstəyi ilə məktəblilərin «İntellekt» Olimpiadası keçirilir. Ənənəyə sadiq qalaraq bu gün ulu Öndər Heydər Əliyevin anadan olmasının 91 illiyinə həsr olunmuş məktəblilərin VII «İntellekt» Olimpiadası təşkil olunmuşdur. Sevinc xanım bütün komandalara uğurlar arzuladı.
Məktəbin direktoru ped.e.d. Nasim Abışov bildirdi ki, olimpiada yüksək intellektual hazırlığı olan şagirdləri üzə çıxarmaq, onları daha da stimullaşdırmaq, həmçinin məktəblilərə informasiya və kommunikasiya texnologiyalarından istifadə vərdişlərini aşılamaq və onların gələcəkdə informasiya cəmiyyətinin fəal üzvü kimi yetişməsi məqsədini daşıyır. Olimpiadada Bakı şəhərinin müxtəlif rayonlardan 17 qabaqcıl məktəb və liseyin 19 komandası iştirak edirdi. Olimpiada informasiya və kommunikasiya texnologiyalarının tətbiqilə onlayn rejimdə keçirildi. Olimpiada ana dili, riyaziyyat, kimya, biologiya, coğrafiya, ingilis dili fənlərini əhatə edərək sürət, məntiq və diqqət nominasiyaları üzrə keçirildi. Hər bir iştirakçıya sertifikat verilmiş, mütləq I, II, III yer və nominasiyalar üzrə yer tutan komandalar diplom və hədiyyələrlə mükafatlandırılmışdır.
|
| Komandalar
| Tutduğu yer
| Nominasiya
|
| 1
| Heydər Əliyev adına Müasir Təhsil Kompleksinin 1-ci komandası
| I
| Mütləq
|
| 2
| Ə. Mahmudov adına 220 saylı məktəb-lisey
| I
| Mütləq
|
| 3
| 160 saylı Klassik Gimnaziya
| II
| Mütləq
|
| 4
| Akademik Zərifə Əliyeva adına lisey
| III
| Mütləq
|
| 5
| 132-134 saylı Təhsil Kompleksi
| I
| Diqqət
|
| 6
| O.Mirzəyev adına 190 saylı orta məktəb
| II
| Diqqət
|
| 7
| Xəzər Universiteti nəzdindəki "Dünya" məktəbi
| III
| Diqqət
|
| 8
| Məktəb, Lisey Kompleksi
| I
| Məntiq
|
| 9
| BDU-nun nəzdindəki "Gənc istedadlar liseyi"
| II
| Məntiq
|
| 10
| Heydər Əliyev adına Müasir Təhsil Kompleksinin 2-ci komandası
| III
| Məntiq
|
| 11
| Bakı Slavyan Universitetinin Məktəb-Lisey Kompleksi
| I
| Sürət
|
| 12
| Zəngi liseyi
| II
| Sürət
|
| 13
| İ. Əfəndiyev adına Elitar Gimnaziya
| III
| Sürət
|
Modern.az
