Türkiyənin Manisa vilayətinin Soma qəsəbəsindəki kömür mədənində baş verən qəza ilə əlaqədar “Soma Holdinq”in sahibi Can Gürkan daxil olmaqla 25 nəfər saxlanılıb.
Modern.az Türkiyə mətbuatına istinadən xəbər verir ki, prokurorluqda ifadə verdikdən sonra məhkəməyə gətirilən şübhəlilərdən 5-i həbs edilib.
Qeyd edək ki, Türkiyə tarixində ən fövqəladə hadisə kimi xarakterizə edilən mədəndəki partlayış mayın 13-də baş verib. İlkin ehtimala görə, partlayışa səbəb elektrik qısaqapanmasıdır. Hadisə vaxtı yerin altında 787 mədənçi olub. Onlardan 301-i dünyasını dəyişib.
Rafiq Qənbərov
