“Bizim təmənnamız odur ki, Ermənistan qonşu dövlətlərin ərazi bütövlüyünə hörmət etsin və aramızda yer alsın. Beləliklə, əksik olan həlqə tamamlanmış olar”. Modern.az “Anadolu” agentliyinə istinadən xəbər verir ki, bunu Türkiyənin xarici işlər naziri Mövlud Çavuşoğlu Qarsda çıxışı zamanı deyib.
O, Azərbaycan, Gürcüstan və Türkiyə xarici işlər nazirlərinin Qarsda keçirilən üçtərəfli görüşü çərçivəsində keçirilən mətbuat konfransında Dağlıq Qarabağ probleminə də toxunub.
Nazir qeyd edib ki, Türkiyə Azərbaycanın ərazi bütövlüyünü dəstəkləyir.
Hər üç ölkənin XİN başçıları Qarsda keçirilən üçtərəfli görüş çərçivəsində ölkələrin qarşılıqlı əməkdaşlığı haqqında saziş imzalayıblar.
Modern.az
