2026-2027-ci tədris ilində ADA Universitetinin 41 məzunu Dövlət Proqramı üzrə xarici ali təhsil müəssisələrinə qəbul olunub.
Bu barədə Modern.az-ın sorğusuna cavab olaraq ADA Universitetindən məlumat verilib.
Bildirilib ki, qəbul olunan məzunlar 5 ölkənin nüfuzlu universitetlərində təhsil alacaqlar.
Belə ki, ADA Universitetinin məzunları Harvard University, University of Oxford, University of Cambridge, Imperial College London, London School of Economics and Political Science (LSE), Columbia University, Yale University, Carnegie Mellon University, New York University, National University of Singapore (NUS), University of Sydney, University of California, University of Bristol, University of Nottingham, University of Sheffield, University of Glasgow, Queen Mary University of London, The University of Manchester və digər nüfuzlu ali təhsil müəssisələrində təhsillərini davam etdirəcəklər.
