Martın 10-da Kiyev vilayətində Regionlar Partiyasından V və VI çağırış Ukrayna Ali Radasının deputatı Stanislav Melnik həyatına qəsd edib.
Modern.az Ukrayna KİV-nə istinadən xəbər verir ki, 53 yaşlı keçmiş regional ölümündən əvvəl yazdığı məktubunda hamıdan bağışlanmasını istəyib. Stanislav Melnik 6 il müddətində Donetsk pivə zavodunun rəhbəri işləyib, 2005-ci ildən deputata seçilənə qədər Donetskdəki “Lüks” Qapalı Səhmdar Cəmiyyətinin baş direktoru olub.
O 2002-2006-cı illərdə Donetsk şəhər sovetinin də deputatı olub.
Bundan əvvəl, fevralın 28-də Regionlar Partiyasının daha bir keçmiş üzvü, keçmiş xalq deputatı, keçən il yanvarın 16-dakı “diktator qanunları”nın dirijoru hesab olunan Mixail Çiçerin də özünü 17-ci mərtəbədən ataraq intihar edib.
Modern.az
