Birinci sinifdə ilk günlərini keçirən Yusif və Murad yerlərində sakit dayana bilmirlər. Sinif otağında gəzişən dostların hərəkətliliyindən hiss olunur ki, müəllimlərinin işi bir qədər çətin olacaq.
Modern.az-ın əməkdaşı futbol, Lamin Yamal və Kriştiano Ronaldo haqqında həvəslə danışan uşaqlara yaxınlaşıb. Sevimli futbolçularının hərəkətlərini göstərməyə çalışan dostlarla söhbət etmək nəhayət mümkün olub.
Onlar böyüyəndə futbolçu olmaq istədiyini deyib:
“Böyüyəndə Yamal olacağam. Messini sevmirəm. Özümü bomba kimi hiss edirəm. Kitablarıma baxmışam, amma dəftərlərə baxmağa vaxtımız olmayıb”.
Balaca məktəbli yaxşı futbolçu olmağın yolunun dərslərdən keçdiyini də unutmayıb:
“Futbolçu olmaq üçün yaxşı oxumaq lazımdır”.
Nicat Rüstəm
