ABŞ-ın Kaliforniya ştatında iki silahlı hücum baş verib.
Modern.az xəbər verir ki, hər iki hadisə 67 yaşlı Zhao Chunli adlı şəxs tərəfindən törədilib.
İnsident törətməkdə şübhəli bilinən Zhao Chunli ilk olaraq bir fermanı hədəf alıb. Burada 4 nəfəri öldürüb, 5 nəfəri isə yaralayıb. Ferma yaxınlığında törətdiyi ikinci silahlı hücumda o, daha 3 nəfərin ölümünə səbəb olub.
Polis Zhao Chunlini dayanacaqda avtomobilinə minərkən ələ keçirib. Avtomobildən onun hücumda istifadə etdiyi silah aşkar edilərək götürülüb.
Polisin qənaətinə görə, hadisəni törədən şəxs insident qeydə alınan fermanın işçisidir.
