Rusiya Avropa İttifaqının (AİO) Ermənistandakı missiyasının fəaliyyətinin genişlənməsindən narahatdır və Kanada nümayəndələrinin orada iştirakı NATO-nun Cənubi Qafqaza sürətlə nüfuz etməsindən xəbər verir.

Modern.az xəbər verir ki, bunu Rusiya xarici işlər nazirinin müavini Mixail Qaluzin RİA Novosti-yə bildirib.

“Biz Aİ-nin Ermənistandakı missiyasının fəaliyyətini mənfi qiymətləndiririk, bu barədə dəfələrlə deyilib”.
 

Qaluzinin fikrincə, Avropa İttifaqının vəzifəsi region dövlətlərinin - Rusiya, İran və Türkiyənin ənənəvi tərəfdaşları və qonşularının maraqlarına zərər verərək Cənubi Qafqazda möhkəmlənməyə çalışmaqdır.
 

Nazir müavini əlavə edib ki, Moskva həm də missiyanın nəinki İrəvanın razılığı ilə genişlənməsindən, həm də müvəqqətidən daimi missiyaya keçmək istəyindən narahatdır.

"Bildiyiniz kimi, bu ilin aprelində Kanada nümayəndələri missiyaya daxil oldular, bu, de-fakto NATO-nun Cənubi Qafqaza sürətlə nüfuz etməsi deməkdir", - Qaluzin vurğulayıb.

O qeyd edib ki, Aİ müşahidəçilərinin işində nəzərəçarpacaq nəticə yoxdur - məsələn, onların mövcudluğu Ermənistan-Azərbaycan sərhədində vaxtaşırı gərginliyin qarşısını ala bilməyib. Lakin missiya hesabatları birbaşa Brüsselə göndərir və hətta Ermənistanla belə bölüşmür.

“Qərblilərin Rusiya obyektləri, eləcə də Ermənistanla qonşu olan bütün dövlətlər haqqında kəşfiyyat məlumatı topladığını düşünməyə bütün əsaslar var”, - deyə xarici işlər nazirinin müavini vurğulayıb.

Onun sözlərinə görə, Moskva İrəvan və digər regional tərəfdaşlarla təmaslarda Aİ missiyası mövzusunu daim qaldırır.

“Biz əminik ki, Cənubi Qafqazda davamlı sülhə yalnız Rusiya, Azərbaycan və Ermənistan liderləri arasında 2020-2022-ci illər üçün üçtərəfli sazişlər kompleksinin hərtərəfli həyata keçirilməsi əsasında nail olmaq olar”, - deyə Qaluzin fikrini yekunlaşdırıb.