Azərbaycanın baş prokuroru Kamran Əliyev Beynəlxalq Prokurorlar Assosiasiyasının 27-ci illik konfransında iştirak etmək üçün Gürcüstanda səfərdədir.
Modern.az xəbər verir ki, tədbir çərçivəsində Gürcüstanın baş prokuroru İrakli Şotadze və Kamran Əliyev arasında görüş olub.
Gürcüstan Baş Prokurorluğunda keçirilən görüşdə İrakli Şotadze iki ölkə arasında səmərəli hüquqi əməkdaşlığa görə Kamran Əliyevə təşəkkür edib.
Görüşdə tərəflər iki ölkə arasında cinayətkarlığa qarşı mübarizə sahəsində təcrübə mübadiləsinin aparılmasından söz açılıb.
Həmçinin cinayətkarlığa qarşı birgə səmərəli mübarizənin daha da gücləndirilməsi istiqamətində müzakirə aparılıb.
Prokurorların beynəlxalq konfransında 60 ölkədən 300 prokuror və yüksək səviyyəli nümayəndələr iştirak edirlər.
