Böyük Britaniyanın BP (Bristish Petroleum) neft-qaz şirkəti neftin ucuzlaşması fonunda kütləvi ixtisarların anonsunu verib.
Modern.az saytı Britaniya KİV-nə istinadən xəbər verir ki, neft korporasiyası neft kəşfiyyatı və qazıntısı sektorunda 4 min nəfəri işdən azad etməyi planlaşdırır.
İxtisarların 5%-i şirkətin dünya ölkələrindəki törəmələrində, o cümlədən Azərbaycanda (burada 200 nəfər) aparılacaq. Britaniya şirkəti Anqola və ABŞ-dakı heyətini də azaltmağı düşünür.
Paralel olaraq, Şimal dənizindəki BP North Sea şirkətinin də 3 min işçisindən 600-ü ixtisar edilib.
BP rəhbərliyi xərclərin optimallaşması startegiyası çərçivəsində ilin sonuna qədər neft hasilatı və kəşfiyyatı seqmentdə 20 mindən az işçi saxlayacağını bildirib.
Vüqar İSMAYILOV
