Bu gün futbol üzrə Azərbaycan Premyer Liqasında VIII tura start veriləcək.
Modern.az xəbər verir ki, açılış oyununda "Qarabağ" evdə "Sumqayıt"la üz-üzə gələcək.
"Azersun Arena"dakı qarşılaşma saat 20:00-da başlayacaq. Görüşü FIFA referisi Əliyar Ağayev idarə edəcək.
Ağdam klubu 13 xalla üçüncü, "gənclik şəhəri" təmsilçisi 8 xalla yeddinci pillədə qərarlaşıb.
Azərbaycan Premyer Liqası
VIII tur
20:00. “Qarabağ” – “Sumqayıt”
Hakimlər: Əliyar Ağayev, Akif Əmirəli, Teymur Teymurov, Rövşən Rəcəbov
Hakim-inspektor: Ramil Diniyev
AFFA nümayəndəsi: Zümrüd Ağayeva
“Azersun Arena”
Qeyd edək ki, turun digər matçları 30 sentyabr və 1 oktyabrda keçiriləcək.
