AQSh prezidenti Donald Tramp Rossiya prezidenti Vladimir Putin bilan telefon orqali gaplashganini va yoqilg‘i yetkazib berishni muhokama qilganini aytdi.
Modern.az xabar berishicha, bu haqda AQSh yetakchisi “Truth Social” ijtimoiy tarmog‘ida Putin bilan juda muvaffaqiyatli telefon suhbati o‘tkazganini yozgan.
Trampning da’vosiga ko‘ra, muzokaralar chog‘ida Rossiya AQSh va jahon bozorlariga darhol 300 ming tonnadan ortiq dizel yoqilg‘isi yetkazib berish bo‘yicha kelishuvga erishgan. Keyinchalik noyabr oyida qo‘shimcha 500 ming tonna, undan keyin esa 1 million tonna yoqilg‘i jo‘natilishi ko‘zda tutilgan. U, shuningdek, Rossiya neftni qayta ishlash zavodlarining holatiga qarab, qisqa vaqt ichida yana 3 million tonna dizel yoqilg‘isi yetkazib berishi mumkinligini aytdi.
Tramp buni “Rossiya energiya resurslari bo‘yicha ajoyib bayonot” deb atadi. Uning fikricha, bu yetkazib berishlar natijasida AQShda va umuman dunyoda dizel yoqilg‘isi narxlari rekord tezlikda pasayadi.
AQSh prezidenti, ayniqsa, qishloq xo‘jaligi va transport sektorida ishlaydigan amerikaliklar uchun yoqilg‘ining arzonlashishini ta’minlash uning eng muhim ustuvor vazifalaridan biri ekanligini ta’kidladi.
Tramp, shuningdek, AQSh Hormuz bo‘g‘ozidagi vaziyatni to‘liq nazorat qilayotganini aytdi.
“Bundan tashqari, Eron yadro quroliga ega bo‘lmasligini ham tushunish kerak”, – deya qo‘shimcha qildi u.
