Şuşanın azad edilməsi uğrunda gedən döyüşlər zamanı şəhid olan 30 yaşlı Pərviz Həsənovun anası dünyasını dəyişib.
Modern.az-ın məlumatına görə, şəhid anası Zərəfşan Həsənova yaşadığı Samux rayon Poylu kəndində dəfn edilib.
Onun uzun müddətdir xəstəlikdən əziyət çəkdiyi və xəstəlik səbəbindən vəfat etdiyi bildirilir.
Qeyd edək ki, Azərbaycanın Daxili İşlər Nazirliyinin Daxili Qoşunlarının baş əsgəri olan Pərviz Həsənov İkinci Qarabağ müharibəsi zamanı Füzulinın və Şuşanın azadlığı uğrunda gedən döyüşlərdə savaşıb. O, noyabrın 6-da Şuşanın azad edilməsi zamanı şəhid olub. Şəhidimizin bir qızı yadigar qalıb.
