“İmişlidə baş verən zəlzələnin ardından avtoşoklar davam edəcək”.
Bunu Modern.az saytına Respublika Seysmoloji Xidmət Mərkəzinin direktoru Qurban Yetirmişli bildirib.
O deyib ki, avtoşokların davam etməsi normal haldır:
“Zəlzələnin maqnitudası 5.6, dərinliyi 25 km olub. Zəlzələ ətraf rayonlarda 4 bala qədər hiss olunub.
Sevindirici haldır ki, zəlzələnin dərinliyi çox olub. Dərinlik 7-8 kilometr olsa idi, dağıntıların miqyası geniş olardı. Allah üzümüzə baxıb”.
Yeraltı təkanlar yerli vaxtla saat 08:46:36-da qeydə alınıb.
Gülşən RAUFQIZI
