Fövqəladə Hallar Nazirliyi Lənkəranda Böyük Bazarda baş verən yanğınla bağlı açıqlama verib.
Nazirliyin mətbuat xidmətinin rəhbəri Oqtay Bayramov Modern.az-a deyib ki, bazarda 1 çayxana və 1 dükan yanıb:
“ Lənkəran şəhərində mərkəzi bazarın ərazisində ümumi sahəsi 250 m2 olan, bir-birinə bitişik tikilmiş çayxananın yanar konstruksiyaları 55 m2 sahədə və telefon satışı mağazasının yanar konstruksiyaları 16 m2 sahədə yanıb. Yanğın səhər saat 07:25-də baş verib.
Hadisə yerinə cəlb olunmuş əməkdaşlarımız tərəfindən yanğın söndürülüb”.
O. Bayramov yanğın zamanı xəsarət alanın olmadığını qeyd edib.
Gülşən RAUFQIZI
