ABŞ prezidenti Barak Obama Suriyadakı situasiyanı dəyişdirmək məqsədilə İŞİD-ə qarşı Moskva ilə əməkdaşlığa hazır olduqlarını qeyd edib. Amma Obama Putinə güvəninin tam olmadığını dilə gətirib.
Modern.az xarici KİV-ə istinadən xəbər verir ki, Pentaqonda Milli Təhlükəsizlik Şurası üzvləri ilə bir araya gələn ABŞ prezidenti Barak Obamanın gündəmində İŞİD-lə mübarizə vardı.
Obama "ABŞ Suriyada zorakılığı azaltmağı IŞİD və Əl-Qaidəyə qarşı səyləri gücləndirmək üçün Rusiya ilə əməkdaşlığa hazır vəziyyətdədir. Amma "Ruslara və Vladimir Putinə güvənməyimə əmin deyiləm. Rusiya lazımi addımları atmaqdan imtina edir” – deyə fikirlərini bölüşüb.
Moskvanın addım atmasının lazım olduğunu təkrarlayan Obama, əks halda beynəlxalq arenada Rusiyanın Suriyada qatil rejimi dəstəkləyən məsuliyyətsiz ölkə kimi tanınacağını qeyd edib.
Mirmahmud KAZIMOĞLU
