Bu gün 2016-cı ildə baş vermiş “Aprel döyüşləri”nin şəhidi, Azərbaycan Silahlı Qüvvələrinin kiçik çavuşu Ruhin Qəhrəmanovun doğum günüdür.
Modern.az-ın məlumatına görə, əslən Cəbrayıl rayonundan olan Ruhin Qəhrəmanov 1994-cü ilin 10 oktyabr günündə anadan olub.
Ruhin Qəhrəmanov 2016-cı il aprelin ilk günlərində Azərbaycan-Ermənistan qoşunlarının təmas xəttindəki şiddətli döyüşlərdə qəhrəmancasına şəhid olub.
Aprelin 4-ü isə Ruhin Qəhrəmanov Biləsuvardakı 2 saylı məcburi köçkün şəhərciyindəki məzarlıqda son mənzilə yola salınıb.
Ruhin Qəhrəmanov göstərdiyi qəhrəmanlığa görə ölümündən sonra Azərbaycan Prezidenti İlham Əliyevin sərəncamı ilə "İgidliyə görə" medalı ilə təltif edilib.
