Ağdam rayonunda intihar hadisəsi baş verib. Trend-in məlumatına görə, hadisə rayonun Quzanlı qəsəbəsində məcbir köçkünlər üçün olan yaşayış massivində baş verib.
Rayonun Boyəhmədli kənd sakini, 1952-ci il təvəllüdlü Cəbiyev Hikmət Araz oğlu həmin qəsəbədəki 472 saylı evin həyətində özünü ağacdan asıb. Yaxınları onun meyitini asılmış vəziyyətdə aşkar ediblər.
Faktla bağlı Ağdam rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsilə cinayət işi başlanıb.
