Bakının qadın voleybolçulardan ibarət “Azərreyl” Avropa Voleybol Konfederasiyasının “Çağırış kuboku” turnirinin 1/16 final mərhələsinin cavab oyununda Rumıniyanın “Stiinta” komandası ilə qarşılaşıb. Modern.az xəbər verir ki, Azərbaycan Voleybol Mərkəzində təşkil edilən görüş “Azərreyl” komandasının 3:0 (25:23, 27:25, 25:14) hesablı qələbəsi ilə başa çatıb.
Bu komandalar arasında dekabrın 12-də Ruminiyada keçirilən ilk oyunda “Stiinta” voleybolçuları 3:1 hesabı ilə qələbə qazandığından cütün taleyi “qızıl set”də həll olunub. Bu setdə rəqib komanda Azərbaycan təmsilçisini üstələyərək iki görüşün ümumi nəticəsinə görə səkkizdəbir final mərhələsinə vəsiqə əldə edib - 15:13.
Oyunu yunanıstanlı baş hakim Teodora Kiriopoulu idarə edib. Ona Bosniya və Herseqovinadan olan həmkarı Milan Nikoliç kömək edib.
