Deputat Novruz Aslanov mayın 4-də İsmayıllı rayonuna növbəti səfərini edib, rayonun Qələyə, Soltankənd və Uştal kəndində seçicilərini qəbul edib, problemləri ilə maraqlanıb.
Modern.az xəbər verir ki, qəbula gələn sakinlər kəndə təbii qazın verilməsi istiqamətində görülən işlərə görə dövlət başçısına və əlaqədar strukturlara, həmçinin, belə işlərə diqqətlə yanaşdığına gərə millət vəkilinə təşəkkür ediblər.
Bunlarla yanaşı içməli su və elektrik enerjisi problemini deputatın diqqətinə çatdırıblar. Millət vəkili əlaqədar qurumlara bu problemlər barədə məlumat veriləcəyini bildirib.
