Avstriyanın Zaltsburq federal əyalətinin Tsell am Zee rayonunda kiçik təyyarə qəzaya uğrayıb.
Modern.az xəbər verir ki, dekabrın 21-də baş vermiş qəzada pilotla birlikdə təyyarədə daha üç nəfər olub. Dağlıq ərazidə meşəliyə düşən təyyarəyə xilasedicilərin yaxınlaşması dumanlı hava şəraiti və dağ relyefinə görə çətinləşib.
Qəzanın səbəbi məlum olmasa da, ilkin məlumata görə, müxtəlif bədən xəsarəti alan pilot və sərnişinlər sağdırlar.
