Gəncə şəhərində tam orta məktəbdə yanğın olub.
Modern.az-ın APA-ya istinadən məlumatına görə, hadisə şəhərin Yeni Gəncə yaşayış massivində qeydə alınıb.
Yanğın Əhməd Cavad adına 2 saylı məktəbin zalında başlayıb. Dərhal hadisə yerinə Fövqəladə Hallar Nazirliyinin yanğından mühafizə bölmələri cəlb edilib. Yanğın söndürülüb və məktəbin otaqlarına keçməsinin qarşısı alınıb.
Yanğının elektrik naqillərində qısaqapanmadan baş verdiyi bildirilir.
Yanğın zamanı 1 nəfər tüstüdən zəhərlənib.
Faktla bağlı araşdırma aparılır.
***
14.07
Gəncə şəhərində Əhməd Cavad adına 2 saylı tam orta məktəbdə yanğın başlayıb.
Modern.az-ın APA-ya istinadən məlumatına görə, yanğının söndürülməsinə yanğından mühafizə bölmələri cəlb edilib.
