Bəzi blogerlər seçki məntəqələrində narazılıq yaradır, məntəqə əməkdaşlarının işinə müdaxilə edirlər.
Modern.az-ın məlumatına görə, bunu Mərkəzi Seçki Komissiyasının (MSK) katibi Mikayıl Rəhimov deyib.
M.Rəhimovun sözlərinə görə, hətta seçki məntəqələrinin birində seçici ilə bloger arasında narazılıq yaranıb, seçici blogerin onu çəkməsinə etiraz edib:
“Bəzən blogerlər seçki prosesinə mane olurlar, məntəqələrin işinə yersiz müdaxilə edirlər”.
MSK rəsmisi əlavə edib ki, ümumilikdə bələdiyyə seçkiləri ilə bağlı kifayət qədər aktivlik var: “Əvvəlki seçkilərlə müqayisədə namizədlərin sayında və siyasi partiyaların iştirakında da aktivlik müşahidə olunur”.
