“Cari ildə 84 məktəbin tikintisi və təmiri başa çatdırılıb”.
Modern.az-ın məlumatına görə, bunu bu gün Yeni Azərbaycan Partiyasının (YAP) təşkilatçılığı ilə “Təhsilin inkişaf strategiyası: Nailiyyətlər və əsas hədəflər” mövzusunda keçirilən konfransda Təhsil naziri Ceyhun Bayramov bildirib.
Təhsil naziri deyib ki, 2003-2019-cu illərdə görülən işlərin nəticəsində ikinci növbədə oxuyan şagirdlərin sayı 35 faizdən 14 faizə enib: “Bu ilin sentyabrından artımlar sayəsində müəllimlərin orta aylıq əmək haqqı 600 manata çatıb. Abituriyentlərdən hər 4 nəfərindən birinin müəllimlik peşəsini seçməsini xüsusi qeyd etmək istəyirəm”.
