Bütöv Azərbaycan Xalq Cəbhəsi Partiyasının (BAXCP) sədri, beşinci çağırış Milli Məclisin deputatı Qüdrət Həsənquliyev 2020-ci il fevralın 9-da keçiriləcək növbədənkınar parlament seçkilərində iştirak edəcək.
Bu barədə Modern.az-a Qüdrət Həsənquliyevin özü məlumat verib.
BAXCP sədri bildirib ki, o, bu dəfə namizədliyini 36 saylı Xətai dördüncü seçki dairəsindən irəli sürüb.
Xatırladaq ki, Qüdrət Həsənquliyev ötən parlament seçkilərində 7 saylı Ordubad-Culfa Seçki Dairəsindən deputat seçilib. Onun hazırda namizədliyini irəli sürdüyü 36 saylı Xətai dördüncü seçki dairəsini isə Yeni Azərbaycan Partiyasının üzvü Səməd Seyidov təmsil edirdi.
T.İSMAYIL
