Bakıda sərnişin avtobusları toqquşub.
Modern.az "Trend"ə istinadən xəbər verir ki, hadisə paytaxtın Nərimanov rayonu ərazisində, metronun "Gənclik" stansiyasının qarşısında baş verib.
26 saylı xətt marşrutu üzrə hərəkət edən sərnişin avtobusu dayanacaq yaxınlığında idarəetməni itirərək qarşısında dayanan 202 saylı marşrut avtobusu ilə toqquşub. Hadisə nəticəsində xəsarət alan olmasa da hər iki avtobusa ciddi ziyan dəyib.
Faktla bağlı araşdırma aparılır.
