Bu il Estoniya hökuməti 732 əcnəbiyə vətəndaşlıq verib.
Modern.az xəbər verir ki, bu barədə ölkənin Daxili İşlər Nazirliyi məlumat yayıb.
Məlumatda qeyd olunub ki, vətəndaşlıq alanlardan 459-u əvvəllər Estoniyada qeyri-rəsmi vətəndaş kimi yaşayıb, 221 nəfər isə Rusiya vətəndaşı olub. Bu il Estoniya vətəndaşlığını, həmçinin 23 ukraynalı, 5 türk, 5 gürcü, dörd belaruslu və 2 pakistanlı alıb.
Bundan əlavə, Estoniya vətəndaşlığına sahib olan şəxslər arasında Əfqanıstan, Ermənistan, Azərbaycan, İsrail, Hindistan, İtaliya, Litva, Latviya, Nigeriya, Şimali Makedoniya, Serbiya, Finlandiya və Tacikistan vətəndaşları da var.
