Prezident İlham Əliyev yanvarın 30-da “Goranboy rayonunda əkin sahələrinin və əhalinin içməli suya olan tələbatının ödənilməsi üçün subartezian quyularının layihələndirilməsi və qazılması ilə bağlı tədbirlər haqqında” Sərəncam imzalayıb.
Modern.az xəbər verir ki, Goranboy rayonunun əhalisi 30378 nəfər olan 16 yaşayış məntəqəsində əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya olan tələbatının ödənilməsi üçün 17 ədəd subartezian quyusunun layihələndirilməsi və qazılması məqsədilə Azərbaycan Respublikasının 2020-ci il dövlət büdcəsinin dövlət əsaslı vəsait qoyuluşunun (investisiya xərclərinin) bölgüsündə Azərbaycanın rayonlarında su təchizatının yaxşılaşdırılması məqsədilə subartezian quyularının qazılması üçün nəzərdə tutulmuş vəsaitin 1,19 milyon manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.
Goranboy rayonunda qazılması nəzərdə tutulan subartezian quyularının yaşayış məntəqələri üzrə bölgüsünə dair siyahı
| Sıra №-si | Yaşayış məntəqələri | Quyuların sayı | Əhalinin sayı |
| | Aşağı Ballıqaya kəndi | 1 | 747 |
| | Azad kəndi | 1 | 551 |
| | Balakürd kəndi | 1 | 2030 |
| | Boluslu kəndi | 1 | 1396 |
| | Goranlı kəndi | 1 | 648 |
| | Hazırəhmədli kəndi | 1 | 1150 |
| | Xan Qərvənd kəndi | 1 | 4422 |
| | Qarasuçu kəndi | 1 | 509 |
| | Qazançı kəndi | 1 | 437 |
| 10. | Qızılhacılı kəndi | 2 | 7090 |
| 11. | Muzdurlar kəndi | 1 | 1586 |
| 12. | Nizami kəndi | 1 | 1167 |
| 13. | Səfikürd kəndi | 1 | 4698 |
| 14. | Şahməmmədli kəndi | 1 | 816 |
| 15. | Veyisli kəndi | 1 | 1930 |
| 16. | Yeni yol kəndi | 1 | 1201 |
| Cəmi | 17 | 30378 | |
