Son üç gündə Rusiyadan Azərbaycana 400-ə yaxın Azərbaycan vətəndaşı gətirilib.
Pandemiya səbəbindən Rusiyadan qayıda bilməyən soydaşlarımız Qusarın Azərbaycan-Rusiya sərhədində yerləşən Samur keçid məntəqəsindən keçməklə ölkəmizə gətiriliblər.
Modern.az-ın əldə etdiyimiz məlumata görə, son iki gündə Rusiyadan 249 soydaşımız gəlib və bu gün isə 166 nəfər Azərbaycan vətəndaşının ölkəyə gətirilməsi nəzərdə tutulub.
Azərbaycana gələn vətəndaşlardan Samur keçud məntəqəsində TƏBİB-in Qusar rayon mərkəzi xəstəxanasının tibbi heyəti tərəfindən koronavirus testi götürülüb.Testin nəticəsi çıxanadək həmin vətəndaşlar karantinə alınırlar.
Aytəkin ALXASLI
