Bakının Xəzər rayonunda ağır yol qəzası baş verib.
Modern.az xəbər verir ki, hadisə Maştağa-Buzovna yolunda qeydə alınıb.
Belə ki, “VAZ 2107” markalı avtomobil “Mercedes”lə toqquşub. Qəza nəticəsində “VAZ 2107”-də olan 2002-ci il təvəllüdlü Məmmədov Eşqin Vüqar oğlu ağır xəsarət alıb.
Avtomobilin digər sərnişini, 1983-cü il təvəllüdlü Əhmədəliyev Qurban Saqif oğlu isə aldığı ağır bədən xəsarətlərindən hadisə yerində ölüb.
Faktla bağlı Xəzər Rayon Polis İdarəsində cinayət işi başlanılıb (apa).
