İki həftə əvvəl əməkdaşları COVID-19 virusuna yoluxduğuna görə bağlanan Akademik Milli Dram Teatrı fəaliyyətini bərpa edib.
Modern.az xəbər verir ki, bu barədə teatrın mətbuat katibi Cavid Zeynallı bildirib.
Onun sözlərinə görə, teatr fevralın 7-dən fəaliyyətə başlayıb.
“Koronavirusa yoluxmuş əməkdaşlarımızın karantin müddəti bitib. Normal iş şəraitində davam edirik”- deyən C.Zeynallı qeyd edib ki, ilk tamaşa fevralın 11-də təqdim olunacaq.
