Ukrayna və Rusiya arasında gedən müharibə zamanı Qərbin Azərbaycana və Türkiyəyə qarşı fikirləri dəyişib.
Modern.az xəbər verir ki, bunu Türkiyənin Xarici İşlər Nazirliyi nəzdində Strateji Təhqiqatlar Mərkəzinin rəhbəri Məsud Özcan “Şuşa Bəyannaməsi və Azərbaycan-Türkiyə diplomatik münasibətlərinin 30-cu ildönümü” adlı konfransın açılışında deyib.
"Hazırda Türkiyə Ukraynaya humanitar dəstək verməklə yanaşı, münaqişənin həllinin tapılması üçün səylər göstərir. Eyni zamanda, Azərbaycan da Ukraynaya ilk günlərdən humanitar yardım göndərir. Bu proseslərdə Azərbaycan və Türkiyənin rolu vacibdir", - deyə Məsud Özcan vurğulayıb.
