"Sürix" klubunu mübarizədən kənarlaşdıraraq Çempionlar Liqasının 3-cü təsnifat mərhələsinə yüksələn "Qarabağ” komandası avrokubokların hər üç liqasında üstünlük əldə edib.
Modern.az xəbər verir ki, Ağdam təmsilçisi ən azı UEFA Konfrans Liqasının qrupunu, habelə turnirin mükafatı olaraq 2,9 milyon avro məbləği təmin edib.
Bundan başqa, "Qarabağ"ın UEFA Avropa Liqasının pley-off mərhələsində iştirak edəcəyi dəqiqləşib.
Qeyd edək ki, bu gün Ağdamın “Qarabağ” futbol klubu UEFA Çempionlar Liqasının üçüncü təsnifat mərhələsinə yüksəlib.
