Gürcüstan Ermənistan və Azərbaycan arasında silahlı münaqişəyə son qoyulmasında maraqlıdır və vasitəçi rolunu oynamağa hazırdır.
Modern.az xəbər verir ki, bu barədə Gürcüstanın hakim “Gürcü Arzusu” partiyasının sədri İrakli Kobaxidze bildirib.
“Hamının əsas vəzifəsi silahlı münaqişəyə son qoymaqdır. Gürcüstan buna hər cür töhfə verəcək. Əgər Gürcüstan və gürcü rəsmilər bu məsələdə hər hansı rol oynaya bilərsə, əlbəttə, biz buna hazırıq”,- Kobaxidze vurğulayıb.
Xatırladaq ki, sentyabrın 13-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin müxtəlif hissələrində atəşkəsi davamlı olaraq pozub.
