Roma Papası Fransisk Ukrayna prezidenti Volodimir Zelenski və Rusiya dövlət başçısı Vladimir Putini danışıqlar aparmaq üçün Vatikana dəvət edib.
Modern.az xəbər verir ki, bu barədə Ümumdünya Köhnə Dindarlar İttifaqının prezidenti Leonid Sevastyanov bildirib.
"Makron Papanın danışıqlar aparan şəxs kimi Avropaya uyğun olduğunu göstərdi. Sonra məlum oldu ki, o, Rusiya tərəfi üçün də məqbuldur. Roma Papası unikal şəxsiyyətdir, neytral, nüfuzlu və barışıq üçün vaxt sərf etməyə hazırdır", - Sevastyanov bildirib.
Qeyd edək ki, Roma Papası Fransisk dəfələrlə Rusiya və Ukraynanı sülh danışıqlarına, müharibəyə son qoymağa çağırıb.
