İranın Azərbaycana yeni səfir göndərəcəyi iddia olunur.
Modern.az xəbər verir ki, bu barədə SEPAH-ın teleqram kanalında məlumat paylaşılıb.
Bildirilib ki, İranın Qazaxıstandakı keçmiş səfiri Müctəba Dəmirçilu Azərbaycana səfir təyin olunacaq.
Dəmirçilu Qazaxıstan (2014-2018) və Gürcüstanda (2006-2010) diplomatik missiyanın rəhbəri, İranın Azərbaycandakı səfirliyinin ikinci katibi vəzifəsində çalışıb. O, XİN-də İdarə rəisidir.
Qeyd edək ki, İranın Azərbaycana yeni səfir təyinatı barədə rəsmi açıqlama verilməyib. Onu da bildirək ki, İranın Bakıda fəaliyyət göstərən hazırki səfiri Seyid Abbas Musəvidir.
