“Builki prezident seçkisində Liberal Partiyanın namizədi prezident seçiləcək. Buna tam əminəm”. Bunu Modern.az-a açıqlamasında ALP sədri Əvəz Temirxan Milli Şuranın sədri Rüstəm İbrahimbəyovun qeydiyyata alınmayacağı təqdirdə Lalə Şövkətin prezidentliyə namizədliyinin partiya tərəfindən irəli sürüləcəyi ilə bağlı suallarımızı cavablandırarkən deyib. O bildirib ki, onların irəli sürdüyü yeganə namizəd yalnız Rüstəm İbrahimbəyovdur.
Partiya sədri əminliklə vurğulayıb ki, Milli Şuranın vahid namizədi R.İbrahimbəyov mütləq qeydə alınacaq. “Bundan sonra o mütləq qalib gələcək. Azərbaycan xalqı yeni ilə yeni prezidenti ilə qədəm qoyacaq. İstərdim ki, hər bir vətəndaş bunu bilsin. Ona görə də seçicilər Rüstəm İbrahimbəyova səs versinlər və onun qələbəsi qorusunlar”.
