3 Fevral 2017, 15:31 | Ana Səhifə - Yazılar - Məni yaman döydülər…
Məni yaman döydülər…

Hidayət Elvüsal


O gün dostum Vəli Xramçaylı ilə rastlaşdım. Dedim:

- Şair, hara gedirsən?

Ah çəkdi:

- Qardaş, başıma iş gəlib. O gün Qazaxda olmuşam. Bakıda bizim məhlənin camaatı piket keçirib. Polis də onları döyüb. İndi gedirəm polisə.

- Yəni şikayət edəcəksən?

- Ayə, nə şikayət? Demirəmmi burda olmamışam. Gedirəm, mənim də dubinka payımı vursunlar. Eşitməmisənmi, sıradan qalan qoturdur!

Və yadıma illər öncəsi baş verənlər düşdü.

O vaxt məni elə döydülər ki, sümüklərim sızım-sızım sızıldadı. Ona görə döydülər ki, göz açandan bəri tamarzı qaldığım demokratiyadan bir çimdik dadmaq istəyirdim. Qara dubinkanı təpəmə elə vurdular ki, gözlərimin ağı qıpqırmızı oldu. İstədim fani dünyanın hər yerində olduğu kimi parlament nümayəndələrinə, yəni xalqın bəyənib seçdiyi deputatların üstünə gedib dərdimi dəyim, gördüm baho, polis şükürlüdür. Onlar elə sözlər deyirlər ki, dubinka şükürlüdür. Qaçqınların pulunu kəsin, pensiyaları azaldın. Rusiyaya gedənlər “atxotdu”…

Balam, bu demokratiya bizə ziyandı də. Ona görə də mənim polisim məni həm qoruyur, həm də çığnayır. Ona görə qoruyur ki, əl çalım, ona görə çığnayır ki, lal olum.

Müsəlmanlar, aman günüdü, ona-buna qoşulub Tanrıdan çörək, hökumətdən demokratiya istəməyin. Çünki bunlar da qıt mal kimi əlaltdan verilir, özü də seçmə adamlara. Ay yazıq müsəlman, tutaq ki, bunlardan sənə də verdilər, alacaqsan? Sən də özünü onlara oxşatmaq istəyirsən? Ay-hay! Gözünün ikisini də basıb bir deşikdən çıxararlar. Sənə demokratiya versələr, onların özlərinə, yeznələrinə, kirvələrinə, bibilərinə, əmilərinə, məşuqələrinə nə qalar? Vəzifə, əda, stol, maşın, pul onların boyuna biçilib, atam balası.

O gün mənə dedilər ki, sənin abrın-həyan yox imiş. Ə, səni bu qədər döydülər, söydülər, töhmətlədilər, yıxıb sürüdülər, evsiz qoydular, təqaüdünü kəsdilər, qarnının üstünə çıxdılar, yenə ağıllanmadın. Vallah, bir gün başına bir qırmızı güllə vurub, deyəcəklər ki, əl Kaidənin işidir. Qanın da batacaq, adın da. Ə, sənə nə var, xalqı döyürlər? Nə işinə qalıb ki, camaatı təpiyin altına salırlar? Canıyanan çıxmısan? Yəni demək istəyirsən ki, buna əmr verən adamlar sənin qədər bilmirlər? Pahatonnan! Hələ talonla əlli qram demokratiya alsanız, gör nələr eliyərsiniz, ə, siz?

Amma düzünü deyim ki, məni döyən kimi ağıllandım. Çox şeyi başa düşdüm və özümü yığışdırdım. Həm də fikirləşdim ki, yaxşı elədilər döydülər, dubinka təkcə mənə dəymədi ki, camaatı da döydülər. Çünki bizdə hamıya bir gözlə baxırlar. Çünki bizdə başqa yerlərdə olduğu kimi heç kəsə fərq qoymurlar, ayrı-seçkilik eləmirlər. Azadlıq, demokratiya, bərabərlik bu deyil, bəs nədi, ay naşükür bəndələr? Əgər sizi döyüb, məni döyməsəydilər, o saat deyəcəkdiz ki, onun qaşı-gözü qaradı? Yaxud bir jurnalisti, yazarı döyüb sizə yaxın gəlməsəydilər, yuxarılara teleqram vuracaqdınız ki, camaatı saya salmırlar, hökumətin qara dubinkasını da bizdən əsirgəyirlər.

Amma mənim bəxtim bu dəfə də gətirdi. “Bəsdi!” – deyincə döyülüb, kef çəkirəm. Dünya vecimə deyil. Öz gözlərimlə gördüm ki, bəzi məsələlərdə Avropanı-zadı doğrudan ötüb keçmişik. Debinkanı onlar icad eləsələr də, bu qara zopa bizim ölkədə də populyar olub. Həm də avropalıların nə canı var, ə? Bizə dəyənin onda biri onlara dəysə “Oy mami!” – deyib cəhənnəmə vasil olarlar.

Amma biz döyməkdə də, döyülməkdə də hamıya nümunəyik. Ürəyimiz daş, canımız bərk, azad və firavan, ağ gündə, əlimizdə dubinka, döyülə-döyülə gələcəyə doğru sürətlə şığıyırıq…

İnanmırsınız, Vəli Xramçaylıdan soruşun.

 

MÜƏLLİFİN DİGƏR YAZILARI
Taqanroq diviziyasının igid döyüşçüsü Şamil Yadigarov 23 İyun 2021, 12:43 Keçmiş mətbuat katibi HƏBS EDİLİB 23 İyun 2021, 12:35 Emin Əmrullayev Bakı Ali Neft Məktəbində   23 İyun 2021, 12:34 Prezident BMT-nin ali nümayəndəsini qəbul edib  23 İyun 2021, 12:30 Sinoptiklərin hava xəbərdarlığına görə HƏKİM MƏSLƏHƏTİ 23 İyun 2021, 12:25 İlham Əliyev Birləşmiş Ərəb Əmirliklərinin iqtisadiyyat nazirini qəbul edib 23 İyun 2021, 12:20 Tural Gəncəliyev: “Qarabağa qayıtmaq hüququmuzdan istifadə edə bilmirik” 23 İyun 2021, 12:17 Hər yetəndən bal ALMAYIN - Loğman MƏSLƏHƏTİ 23 İyun 2021, 12:11 Nazirlik anomal isti ilə bağlı əhaliyə müraciət etdi 23 İyun 2021, 12:05 “Heç zaman dünya hegemonluğuna iddia etməyəcəyik” – Çinin müdafiə naziri 23 İyun 2021, 11:59 Azərbaycan Dünya Bankının kreditindən İMTİNA ETDİ 23 İyun 2021, 11:53 Avropa Şurasının Baş katibi Ermənistandan mina xəritələrini TƏLƏB ETDİ 23 İyun 2021, 11:47 Putin-Bayden görüşü MDB ölkələrində nəyi dəyişəcək... 23 İyun 2021, 11:45 Problemli kreditlərinin həcmi artıb 23 İyun 2021, 11:42 Gec olmadan peyvənd olunmalıyıq - Naqif Həmzəyev 23 İyun 2021, 11:40 Gənclərin inkluziv qanunvericiliyin təmin olunmasında rolu 23 İyun 2021, 11:36 “Nar” abunəçilərinin nəzərinə! 23 İyun 2021, 11:33 Daha bir şəhid övladı doğuldu - Vətən müharibəsindən sonra 100-cü uşaq - FOTO 23 İyun 2021, 11:28 Şahin Mustafayev Ağdamda iclas keçirir - FOTO 23 İyun 2021, 11:22 Space TV-nin Qarabağ müxbirləri: “Yaxınlığımıza düşən mərmilər son reportajımız ola bilərdi” - MÜSAHİBƏ+VİDEO 23 İyun 2021, 11:16 Putindən növbəti QARABAĞ AÇIQLAMASI: “Rusiyanın həlledici səyləri...” 23 İyun 2021, 11:10 Bakının sənədsiz evlər PROBLEMİ - Bu evlərə sənəd verilməyəcək 23 İyun 2021, 11:04 Zaqatala sakininin evindən civə tapıldı - FOTO 23 İyun 2021, 11:00 45 mindən artıq fermerə subsidiya ödənilib 23 İyun 2021, 10:56 “Bu məxluqdan xilas olmalıyıq” – Ermənistan müxalifəti 23 İyun 2021, 10:51 Əsirlərimizə işgəncə verən erməni hərbçilərinin məhkəməsi keçirilir 23 İyun 2021, 10:45 Kürdəmirdə qətl törədən şəxs tutuldu 23 İyun 2021, 10:39 UNEC-in növbəti beynəlxalq konfransı 23 İyun 2021, 10:33 ÜST-dən koronavirusun ən təhlükəli ştamı ilə bağlı XƏBƏRDARLIQ 23 İyun 2021, 10:27 Azərbaycan nefti 76 dollara yaxınlaşır 23 İyun 2021, 10:22 Dövlət qulluqçusu ona göstərilmiş etimadı düzgün dəyərləndirməlidir 23 İyun 2021, 10:17 Nazirlik “BİZON energy” içkisi ilə bağlı araşdırmaya başladı 23 İyun 2021, 10:11 Ötən il dövlət idarələrində vəzifəyə təyin edilənlərin sayı AÇIQLANDI 23 İyun 2021, 10:05 Bu şəxslər Mədəniyyət Nazirliyi yanında İctimai Şuraya seçilmək istəyir - SİYAHI 23 İyun 2021, 09:59 Azərbaycan kommunistləri SSRİ-yə hücumun 80-ci ildönümünü necə qeyd etdi? 23 İyun 2021, 09:54
SORĞU AVRO-2020-nin qalibi hansı komanda olacaq?