ATƏT Parlament Assambleyasının (PA) sədri Pia Kauma Gürcüstanın Baş naziri İrakli Qaribaşvili ilə görüşüb.
Modern.az xəbər verir ki, bu barədə Gürcüstan Baş nazirinin mətbuat xidməti məlumat yayıb.
Görüş zamanı 2024-cü ildə Gürcüstanda keçiriləcək parlament seçkiləri, həmçinin, regiondakı vəziyyət müzakirə edilib.
Qaribaşvili Gürcüstanın qonşuları arasında kommunikasiyanın təşviq edilməsi və regionda sabitlik məqsədilə addımlar atdığını vurğulayıb. O qeyd edib ki, Gürcüstan Cənubi Qafqazda sülh və sabitliyin gücləndirilməsinə töhfə verməyə sadiqdir.
