"Mənə heç kimin başqa platformada əldə edə bilməyəcəyi hallar aşkardır".
Modern.az "Sputnik"ə istinadən xəbər verir ki, bunu Ermənistan parlamentinin 44 günlük müharibəni araşdıran komissiyasının rəhbəri Andranik Koçaryan Qarabağdakı özünü buraxmış qondarma qurumun "prezident"i olmuş Samvel Şahramanyanın iclasda iştirakı ilə bağlı deyib.
"Söhbət müharibədən sonrakı hadisələrdən gedir, o vaxtdan bəri bilavasitə bu dövrlə bağlı hadisələr baş verib. 44 günlük müharibə üzrə parlament komissiyasının səlahiyyət müddəti dekabrın 3-də başa çatır. Bu o deməkdir ki, bizim artıq kiməsə zəng etmək, sənədləri yoxlamaq hüququmuz yoxdur. Nəhəng materiallar təbəqəsi toplanıb və onların təhlili üçün hələ çox iş qalır", - Koçaryan bildirib.
O əlavə edib ki, separatçıların sabiq "müdafiə naziri" Calal Arutyunyan 44 günlük müharibəni araşdırmaq üzrə komissiyanın iclasında iştirak etməyə hazırdır.
