Fransada 19 yaşlı Əfqanıstan əsilli gənc heyvanlara qarşı cinsi zorakılıq ittihamı ilə məhkəmə qarşısına çıxarılacaq.
Modern.az xarici KİV-ə istinadən xəbər verir ki, istintaq materiallarına əsasən, onun hərəkətlərindən azı 6 qoyun və keçi zərər çəkib. Bəzi heyvanların isə dəfələrlə zorakılığa məruz qaldığı bildirilir.
Şübhəli Marsel şəhəri yaxınlığında yerləşən Le-Pen-Mirabo qəsəbəsində saxlanılıb. “Maritima” radiosunun məlumatına görə, o, birbaşa cinayət başında – baxımsızlıqdan əziyyət çəkmiş heyvanların reabilitasiyası üçün nəzərdə tutulan təlim fermasında yaxalanıb.
Bildirilir ki, ilk hadisələr fevral ayında qeydə alınıb. Ferma direktoru Kassandra Sortino baş verənləri belə şərh edib:
“Şok içində idik. Heç düşünməzdik ki, kimsə heyvanlara qarşı belə davranar. Gənc bir qoyun üç dəfə hücuma məruz qalıb. Bir epizodda aldığı xəsarətlər o qədər ağır idi ki, onu itirəcəyimizi düşündük”.
Hadisədən sonra əraziyə real vaxt rejimində görüntü ötürən videokameralar quraşdırılıb. Məhz bu kameralar vasitəsilə şübhəli növbəti dəfə cinayət törədərkən yaxalanıb.
