Ermənistanda 19 yaşlı müddətli həqiqi hərbi xidmət qulluqçusunun ağır şəkildə döyüldüyü iddia edilib.
Modern.az xəbər verir ki, yerli medianın məlumatına görə, həyəcan siqnalını vəkil və hüquq müdafiəçisi Arsen Babayan verib. Onun sözlərinə görə, əsgər ağır vəziyyətdə hərbi hospitala yerləşdirilib və hadisə ilə bağlı narahatlıq doğuran məlumatlar var.
Bundan əvvəl isə Ermənistan Müdafiə Nazirliyi sosial şəbəkələrdə yayılan məlumatları təkzib edərək bildirmişdi ki, hərbi qulluqçu döyülməyib, o, başqa sağlamlıq problemi ilə əlaqədar hospitala qəbul olunub. Nazirlik həmçinin Ombudsman Aparatının nümayəndələrini hospitala aparmağa və vəziyyətlə yerində tanış olmağa hazır olduğunu açıqlayıb.
Beləliklə, hazırda hadisə ilə bağlı qarşılıqlı ziddiyyət təşkil edən açıqlamalar mövcuddur: hüquq müdafiəçisi əsgərin döyüldüyünü iddia edir, Müdafiə Nazirliyi isə bunu qəti şəkildə rədd edir.
