Yaponiyada baş verən 5,9 bal gücündə zəlzələ nəticəsində 20-dən çox insan xəsarət alıb.
Modern.az xəbər verir ki, bu barədə ölkənin fövqəladə xidmətləri məlumat yayıb.
Təbii fəlakət zamanı Tokionun rayonlarından birində su boruları partlayıb və küçələri su basıb. Bəzi binalarda liftlər avtomatik olaraq dayanıb, qatarların hərəkətində isə müvəqqəti fasilələr yaranıb.
Qeyd edək ki, yeraltı təkanlar avqustun 23-ü yerli vaxtla saat 02:00-da İbaraki prefakturasında qeydə alınıb. Zəlzələ ocağı təxminən 70 kilometr dərinlikdə yerləşib.
