ABŞ-nin Nevada ştatının Reno şəhərində iki yüngülmühərrikli təyyarənin eniş zamanı toqquşması nəticəsində iki pilot həlak olub.
Modern.az-ın xəbərinə görə, bu barədə Reno Hava Yarışları Assosiasiyası Feysbukda məlumat yayıb.
“Reno Hava Yarışları Assosiasiyası ürək ağrısı ilə bildirir ki, bu gün təxminən saat 14:15-də (18 sentyabr, Bakı vaxtı ilə 01:15) bizim yarışçı ailəmizin iki üzvü qəza nəticəsində həlak olub”, - deyə məlumatda bildirilir.
Hadisə hava yarışı zamanı baş verib. Assosiasiya qalan bütün yarışları ləğv edib.
