Ermənistanın paytaxtı İrəvanın sabiq meri, keçmiş nəqliyyat və rabitə naziri Qaqik Beqlaryan saxlanılıb.
Modern.az xəbər verir ki, bu barədə Ermənistanın Antikorrupsiya Komitəsi məlumat yayıb.
Bildirilib ki, sabiq məmur vəzifə səlahiyyətlərindən sui-istifadə və çirkli pulların yuyulması ittihamları ilə üzləşib. Onun barəsində həbs qətimkan tədbirinin seçilməsi üçün məhkəməyə vəsatət təqdim olunub.
Qeyd edək ki, bundan bir gün əvvəl Ermənistanın Baş naziri Nikol Paşinyan seçkiqabağı debatlar zamanı korrupsiya işlərində adı hallanan keçmiş məmurların hamısının məsuliyyətə cəlb ediləcəyini bildirib.
