Arxiv
29 Oktyabr 2018, 08:57 | FOTOSÖHBƏT
Deputat Vahid Əhmədovla FOTOSÖHBƏT

Modern.az saytı Milli Məclisin İqtisadi siyasət sənaye və sahibkarlıq komitəsinin üzvü Vahid Əhmədovla FOTOSÖHBƏT layihəsini təqdim edir. 


Vahid Qazməmməd oğlu Əhmədov 2 aprel 1947-ci ildə Quba rayonunun Qonaqkənd qəsəbəsində dünyaya gəlib. Ailədə 9 uşaq olublar.

1965-ci ildə Qonaqkənd orta məktəbini qızıl medalla bitirib. 1965-1971-ci illərdə Azərbaycan Politexnik İnstitutunda təhsil alıb, mühəndis-energetik ixtisasına yiyələnib.

1989-1992-ci illərdə Almaniyada Bonn Menecment İnstitutunu bitirərək, menecment-iqtisadçı beynəlxalq diplomuna layiq görülüb.

1967-1971-ci illərdə Bakıdakı Şmidt maşınqayırma zavodunda fəhlə, sex ustası, sex rəisi vəzifələrində çalışıb.

1971-1972-ci illərdə Sovet ordusu sıralarında xidmət edib. Hərbi xidmətini başa vurduqdan sonra, yenidən maşınqayırma zavoduna qayıdaraq, orada 1972-1977-ci illərdə sex rəisi vəzifəsində işləyib. 1977-ci ildə Bakı Radio zavoduna keçərək orada sex rəisi, istehsalat şöbəsinin rəisi vəzifələrində əmək fəaliyyətini davam etdirib.

1981-1983-cü illərdə Bakı Dəzgahqayırma İstehsalat Birliyində baş mühəndis vəzifəsində çalışıb.

1983-1986-cı illərdə "Bakı fəhləsi" adına maşınqayırma zavodunun, 1986-cı ildə Keşlə maşınqayırma zavodunun, 1989-cu ildə "Bakneftmaş" İstehsalat Birliyinin baş direktoru olub.

1980-ci illərin sonlarında Azərbaycan Kommunist Partiyası Nizami rayon təşkilatnın büro üzvü seçilib.

1991-ci ildə Azərbaycanın Müstəqillik Aktının hazıqlanmasında iştirak edib, Azərbaycanın müstəqilliyinin lehinə səs verən 43 “istiqlalçı deputatlar”dan biri olub. 

Azərbaycan Prezidentinin 23 aprel 1992-ci il tarixli, 694 nömrəli Fərmanı ilə Baş nazirinin müavini təyin edilib. 16 may 1992-ci ildə həmin vəzifədən azad edilərək, Baş nazirin birinci müavini təyin edilib. 18 may 1992-ci ildə həmin vəzifəyə yenidən təsdiqlənib. 29 aprel 1993-cü ildə də yenə həmin vəzifəyə təsdiqlənib.
Azərbaycan Respublikası Prezidentinin 9 dekabr 1993-cü il tarixli, 56 nömrəli Fərmanı ilə Baş nazirin birinci müavini vəzifəsindən azad edilib.

1990-cı ildə Bakı şəhərinin Nizami rayonu 53 nömrəli "Gənclik" seçki dairəsindən Azərbaycan SSR Ali Sovetinə deputat, 2005, 2010 və 2015-ci illərdə isə 52 saylı Quba seçki dairəsindən Azərbaycan Respublikası Milli Məclisinə millət vəkili seçilib.
Hazırda Milli Məclisin İqtisadi siyasət sənaye və sahibkarlıq komitəsinin üzvüdür.

Vahid Əhmədov texnika doktoru, 300-ə yaxın elmi məqalənin müəllifidir. Müəllifi olduğu 72 səhifəlik "Sahibkar-menecment" kitabı 2000-ci ildə Bakıdakı "Qanun" nəşriyyatında Azərbaycan dilində nəşr olunub.

33 yaşında ailə həyatı qurub. İki övladı - 1 oğlu və 1 qızı var. Övladlarının hər ikisi hüquqşünasdır.

“Şöhrət” ordeni ilə təltif olunub.



Bu şəkil orta məktəb illərində çəkilib. Sinif yoldaşlarımızla birlikdə “1 May”ı qeyd etmək üçün Təngə dağına gəzməyə çıxmışdıq. Soldan birinci mənim ən yaxın dostum Adildir. Ondan sonrakı sinif yoldaşım Heydər, mən və məndən sağdakı isə Mehdidir.

Yenə sinif yoldaşlarımızla çəkilən şəkil. Çox güman ki, 1964-65-ci illərə aiddir. Soldan Fəxrəddin, mən, Mehman və Adil. 

Göründüyü kimi, əsgərlik illərində çəkilən şəkildir. Mən hərbi xidmətimi 1971-1972-ci illərdə Kiyevdə çəkmişəm. Şəkildəki əsgər yoldaşlarım arasında başqa ölkələrdən olanlar da var.

Qaldığım yataqxanada. Tələbəlik illərim idi. Yadımdadır ki, imtahan ərəfəsi idi və çertyoj çəkirdim. 

Leytenant Şmidt adına zavodda Sex rəisi olduğum illərə aiddir. Mənim iş otağım bu cür idi.

Bu şəkil Şmidt zavodunda çəkilib. Ətrafımdakılar zavodda çalışan işçilərdir. Şəkilin çəkildiyi il dəqiq yaddaşımda qalmayıb. 


Zavodda sex rəisi çalışdığım illər. 70-ci illərin ortaları olmalıdır...

Leytenant Şmidt zavodunun direktoru Bəxtiyar müəllimlə. Amma bu şəkil çəkilən illərdə o hələ rəhbər deyildi. 



Gənclik illərindən daha bir xatirə... Sənəd üçün çəkilmiş çəkil...

1989-1992-ci illər... Almaniyanın Bonn şəhərində çəkilib. Qara kostyumlu, qalstuklu olan mənəm. Ətrafımdakılar isə müxtəlif ölkələrdən gələn qrup yoldaşlarımdır. Həmin vaxt bütün SSRİ-dən 49 nəfəri seçib, Almaniyaya bazar iqtisadiyyatı üzrə oxumağa göndərmişdilər. İki qrupa ayrılmışdıq. Həmin illər Ermənistan-Azərbaycan Dağlıq Qarabağ münaqişəsinin alovlandığı dövr idi. Ona görə, qrupları elə təşkil etmişdilər ki, biz ermənilərlə birlikdə deyildik. Azərbaycanlıların olduğu qrup səhər, ermənilərin olduğu qrup isə günorta Bonn Menecment İnstitutuna gəlirdi. Beləliklə, narazılıq yaranmırdı. Bu qərar SSRİ Nazirlər Kabinetinə aid idi. Biz Almaniyada təhsilimizi davam etdirən vaxt SSRİ dağıldı.


Həyat yoldaşımla ailə qurduğumuz il çəkilən şəkil - 1979... 



Xanımımlabirlikdə... O zaman hələ gənc vaxtlarımız idi...


Həyat yoldaşım və oğlumla birlikdə Moskvada. 


Bu şəkil təxmini 1984-85-cı illərdə çəkilib. Heydər Əliyev SSRİ Ali Sovetinə deputatlığa namizəd kimi, zavoda seçiciləri ilə görüşə gəlmişdi. 

1985-86-cı illər... Heydər Əliyev, Kamran Bağırov, Fuad Musayev və digər rəhbər şəxslər bizim zavodda...



İşdən sonra... Oğlumla birlikdəyəm.

Keçmiş prezident Əbülfəz Elçibəylə Türkiyədə görüşlərin birində çəkilib. 1992-ci ilə aid olmalıdır. Mən o zamanlar Baş nazirin birinci müavini idim.


Moskvada Sovet İttifaqı Kommunist Partiyasının qurultayına qatılan Azərbaycan nümayəndə heyəti ilə birlikdə. 

Bu şəkil İraqda çəkilib. Azərbaycan nümayəndə heyəti ilə birlikdə İraq prezidenti Səddam Hüseynin doğum gününə getmişdik. Yadımdadır ki, həmin vaxt Bağdadda bütün məscidləri və imamların qəbirlərini ziyarət etmişdik. 



Almaniyada rəsmilərlə görüş zamanı çəkilən bir şəkil. Əlini uzadan, eynəkli adam Almaniyanın iqtisadiyyat naziri idi. Sağ tərəfdə, mənim yanımda dayanan isə Azərbaycanın Almaniyadakı səfiri Hüseynağa Sadıqovdur. 

Məktəb illərindən bəri dostluq etdiyim Adil Ramazanovla birlikdə.

Quba sakinləri ilə görüş. Mən ortada dayanmışam, sağ tərəfimdəki isə filologiya elmləri doktoru, professor Nizaməddin Şəmsizadədir.


Deputat seçkisi kampaniyası ərəfəsində Qubada ən yaşlı sakinlə görüşdən. 


Nəvəmlə birlikdə. Qubanın Qəçrəş kəndində istirahət vaxtı çəkilib. 


Deputatın iş otağından...

Ailə üzvlərimizlə birlikdə. Şəkil 2008-ci ilə aiddir. Mən, həyat yoldaşım, gəlinimiz, oğlum və qızım... Övladlarımın hər ikisi hüquqşünasdır.

Yenə Qubada, Qonaqkənddə çəkilən şəkillərimdən biri. Təxmini 2007-2008-ci illər olacaq. Təngə dağının ətəyindəyik. Yadımdadır ki, dağa Qaçaq Mayılın mağarasına baxmaq üçün çıxmışdıq. Bizdən sağda bir səmtdə həmin mağara olmalıdır. Ortada, gümüşü kostyumda mənəm, sağ tərəfimdəki isə kiçik qardaşım Rasim.



Qubada. Dostlarımızla istirahətdə...


Oğlum və mən...

BU KATEQORİYADAN OLAN DİGƏR XƏBƏRLƏR
+ Arxiv
Türkiyə XİN-dən Xocalı ilə bağlı BƏYANAT 26 Fevral 2020, 11:25 Güclü külək regionların eneji təsərrüfatına ciddi ziyan vurub - RƏSMİ 26 Fevral 2020, 11:23 XİN və Baş Prokurorluq Xocalı soyqırımı ilə bağlı bəyanat yayıblar 26 Fevral 2020, 11:19 DTX-nın həbs etdiyi İsmayıl Vəliyevdən yeni XƏBƏR VAR 26 Fevral 2020, 11:14 DİM yeni onlayn sınaq imtahanları keçirir 26 Fevral 2020, 11:08 “Soyqırımın səbəbkarları cəzasını almadan bu məsələ bağlanmayacaq” - Səfir 26 Fevral 2020, 11:02 Əkrəm İmamoğludan Xocalı paylaşımı 26 Fevral 2020, 10:58 Məktəblərdə ilk dərs və məşğələlər Xocalı soyqırımına həsr edilib - FOTO 26 Fevral 2020, 10:53 Parisin mərkəzində Xocalı soyqırımı anıldı - FOTO 26 Fevral 2020, 10:47 İsgəndər Həmidov xanımının yanında dəfn olunacaq 26 Fevral 2020, 10:45 Xəstəlik gələcəksə, spirtlə dolu qabın içinə girsən də xeyri olmayacaq - Sənətçilər 26 Fevral 2020, 10:41 Polis 50 şübhəlini saxladı 26 Fevral 2020, 10:35 İcra Hakimiyyətindən ağac kəsimi ilə bağlı iddialara CAVAB 26 Fevral 2020, 10:30 Sumqayıtda dava düşdü, 2 qardaş bıçaqlandı 26 Fevral 2020, 10:27 Rusiyada hakim partiya adını dəyişir 26 Fevral 2020, 10:22 Bakıda ər arvadını bıçaqladı 26 Fevral 2020, 10:16 Bakıda məskunalaşan 30 məcburi köçkün ailəsi Füzuliyə yerləşdiriləcək 26 Fevral 2020, 10:11 Daha bir Azərbaycan sakini terrorçu şəxslər siyahısına əlavə olundu 26 Fevral 2020, 10:10 İlham Əliyev “Xocalı” abidəsini ziyarət etdi 26 Fevral 2020, 10:05 İşsiz və işaxtaran şəxslərə ŞAD XƏBƏR 26 Fevral 2020, 10:00 “Vətəndaşların təklifləri mədəniyyətin inkişafına həssas münasibətdən xəbər verir” - Nazir 26 Fevral 2020, 09:54 İlham Əliyevdən Xocalı soyqırımı ilə bağlı paylaşım - FOTO 26 Fevral 2020, 09:49 Azərbaycana qayıtmaq üçün keçmiş arvadına 13 min manat ödəməli oldu 26 Fevral 2020, 09:47 Cəbhədə gərginlik artıb - düşmən snayperlərini yenidən işə saldı 26 Fevral 2020, 09:43 Azərbaycanda kollec yanaraq kül oldu 26 Fevral 2020, 09:39 Qoruyucu maskalardan düzgün istifadə QAYDALARI 26 Fevral 2020, 09:33 Kliniki Tibbi Mərkəzə yerləşdirilənlərin sayı ARTDI 26 Fevral 2020, 09:30 İrandan Azərbaycana gələn daha 34 nəfər xəstəxanaya YERLƏŞDİRİLDİ 26 Fevral 2020, 09:25 Çində koronavirus qurbanlarının sayı 2715-ə çatıb 26 Fevral 2020, 09:19 Allahverdi, İmamverdi, indi də Cəlal: Ermənilərin övladlarına azərbaycanlı adları vermək ƏNƏNƏSİ...  26 Fevral 2020, 09:13 Ev dustağı edilən icra başçısının xanım müavini barəsində SENSASİON İDDİALAR 26 Fevral 2020, 09:07 Leyla Əliyevadan Xocalı soyqırımı paylaşımı - VİDEO 26 Fevral 2020, 09:00 İsgəndər Həmidov vəfat etdi 26 Fevral 2020, 08:51 “Barselona” İtaliyadan vacib qolla dönür 26 Fevral 2020, 02:26 “Xocalı soyqırımı insanlığa qarşı törədilmiş cinayətdir”  - Mehriban Əliyeva 26 Fevral 2020, 00:47