Arxiv
5 Dekabr 2018, 08:23 | AKTUAL
Hansı Dövlət Komitəsinin saytı operativ işləyir?

Son 10 ildə texnologiyanın inkişafı, internetin insanların həyatında önəmli mövqeyə keçməsi sayəsində elektron saytların sayında sürətli artım baş verib. Vətəndaşlara göstərilən xidmətin  keyfiyyətinin yaxşılaşdırılması, operativliyin təmin olunması məqsədilə dövlət qurumlarının hər birinin elektron informasiya resursu yaradılıb. Elektron idarəçiliyə keçidin sürətlənməsi nəticəsində insanlar müvafiq dövlət qurumunun rəsmi internet portalına daxil olaraq, istədiyi informasiyanı rahatca əldə edə bilər.

Bəs maraqlıdır, dövlət orqanlarının veb-saytlarının hazırkı fəaliyyəti necədir? Onlar vətəndaşlara operativ xidmət göstərə bilirmi?  

Modern.az-ın əməkdaşı bu dəfə Dövlət komitələrinin və agentliklərin saytlarına göz gəzdirib.

Diasporla İş üzrə Dövlət Komitəsinin (DİDK) saytı ən aktiv rəsmi saytlardan biridir. Diaspor.gov.az domeni üzərində 3 dildə - Azərbaycan, ingilis, rus dillərində xidmət göstərən elektron resursun xəbər lenti mütəmadi olaraq yenilənir. Dövlət Komitəsinin və xaricdəki diaspor təşkilatlarının fəaliyyəti kifayət qədər aktiv olduğuna görə, gündəlik olaraq bir neçə xəbər yayımlanır. Saytda vətəndaşların, diaspor təşkilatlarının, xaricdə yaşayan soydaşlarmızın suallarının operativ şəkildə cavablandırılması da təmin olunub.

Dövlət Komitəsinin internet resursunda “Diaspor xəritəsi” bölməsi fəaliyyət göstərir ki, bu da hər bir kəsə istənilən ölkədəki Azərbaycan diasporu, soydaşlarımız haqqında informasiyalar əldə etməyə imkan yaradır. Xəritədə xüsusi işarələnmiş nöqtələrin üzərinə sıxdıqda həmin ərazidə fəaliyyət göstərən diaspor təşkilatlarını və onlar haqqında informasiyaları görmək mümkündür.

DİDK-nın rəsmi internet saytındakı bölmələrdən biri də Diaspor TV-dir. Bu bölmədə Dövlət Komitəsi ilə İctimai Televiziyanın birgə layihəsi olan “Vətən uzaqda deyil” verilişi, eyni zamanda, DİDK-nın digər layihələri - “Dünyada yaşayan azırbaycanlıları tanıyaq-tanıdaq”, “Sabahın xeyir, Azərbaycan”, onlayn Azərbaycan dili dərsləri, “Azərbaycan dilində danışan xaricilər”, Qarabağla bağlı videoçarxlar yerləşdirilir.


Ailə, Qadın və Uşaq Problemləri üzrə Dövlət Komitəsinin
rəsmi saytının xəbər lenti 2-3 gündən bir komitənin profilinə uyğun xəbərlərlə yenilənir. Bəzən isə gün ərzində bir neçə xəbər saytda yerləşdilir. Scfwca.gov.az domenində olan komitənin saytı Azərbaycan, ingilis və rus dillərində xidmət göstərir.

Təqdirəlayiq haldır ki, komitənin saytında elə “Ana səhifə”də vətəndaşlar üçün müraciət bölməsi diqqəti çəkəcək şəkildə aydın yerləşdirilib. Komitə həmçinin ailə, qadın, uşaq problemləri üzrə vətəndaşların rəyini öyrənmək üçün əsas səhifədə “Online sorğu” bölməsi də yerləşdirib. Bununla ayrı-ayrı şəxslər sorğuda iştirak edərək, öz fikirlərini bildirə bilərlər.


Scwra.gov.az  isə Dini Qurumlarla İş üzrə Dövlət Komitəsinin
rəsmi internet resursudur. Komitənin saytı 3 dildə - Azərbaycan, ingilis və rusca fəaliyyət göstərir. Sözügedən elektron resursu digər komitələrin veb-saytından fərqləndirən cəhət “Jivochat” mesajlaşma proqramı vasitəsilə birbaşa, asan müraciət imkanı yaradılmasıdır. Komitənin xəbər lenti mütəmadi yenilənir.

Dövlət Gömrük Komitəsinin rəsmi elektron resursu customs.gov.az domeni üzərindədir. Sayt ingilis və Azərbaycan dillərindədir. Başlıq sətri “Komitə”, “Faydalı”, “E-xidmətlər”, “Qanunvericilik”, “Müraciətlər”, “Sahibkarlar üçün”, “Fərdlər üçün” olmaqla 7 bölməyə ayrılıb. Komitənin fəaliyyətinə aid istənilən məlumatı saytdan əldə etmək mümkündür. Saytın xəbər lenti gündəlik yenilənir və elektron poçt vasitəsilə abunə olub, xəbərləri izləmək mümkündür.
 

Stat.gov.az domeni isə adından məlum olduğu kimi Dövlət Statistika Komitəsinin rəsmi elektron resursudur. Azərbaycan, rus və ingilis dillərində xidmət göstərən saytın idarəetməsi Dövlət Statistika Komitəsinin İnformasiya Texnologiyaları şöbəsi tərəfindən həyata keçirilir. Saytın xəbər lenti müxtəlif vaxtlarda yenilənir. Bundan əlavə “Ana shifə”də “Mətbu məlumatlar” bölməsi də yerləşdirilib və media orqanları, jurnalistlər bu məlumatları istifadə edə bilərlər. Saytın alt hissəsində komitənin telefon, faks və elektorn poçtu, vətəndaşlar üçün də, mətbuat nümayəndələri üçün də ayrıca əlaqə vasitələri yazılıb.


arxkom.gov.az domenində Dövlət Şəhərsalma və Arxitektura Komitəsinin rəsmi saytı yerləşir. Komitənin saytı yalnız Azərbaycan dilində xidmət göstərir. Xəbər lenti “Xəbərlər” və “Elanlar” olmaqla iki hissəyə bölünüb. Saytda komitənin fəaliyyətinə aid bütün məlumatlar yerləşdirilsə də,  operativlik baxımından qənaətbəxş hesab edə bilmərik. Belə ki, komitənin rəsmi elektron resursunda sonuncu dəfə oktyabr ayının 16-sı xəbər yerləşdirilib. Hətta sözügedən rəsmi saytda vətəndaşlar üçün yerləşdirilən maraqlı video və prezintasiyaların tarixinə baxdıqda sonuncu dəfə  2014-cü ildə yeniləndiyi məlum olur.

emdk.gov.az domeni Əmlak Məsələləri Dövlət Komitəsinin rəsmi saytıdır. Azərbaycan və ingilis dillərində fəaliyyət göstərir. “Dialoqa başla” hissəsini klikləməklə həftənin I-V günləri saat 09.00 - 18.00-dək, fasilə (13.00-14.00 arası) istisna olmaqla, elektron müraciət ünvanlamaq mümkündür. Bu vətəndaşlar və komitə arasındakı ünsiyyəti bir qədər də asanlaşdırır. Xəbərlər gündəlik yenilənir. Saytın fəaliyyətini qənaətbəxş hesab etmək olar.

Qaçqınların və Məcburi Köçkünlərin İşləri Üzrə Dövlət Komitəsinin rəsmi elektron resursu refugee.gov.az saytıdır. Sayt Azərbaycan və ingilis dillərindədir. Dizayn cəhətdən bir qədər əski olsa da, veb-saytın xəbər lenti komitənin fəaliyyətinin aktivliyindən asılı olaraq, mütəmadi yenilənir.  


Azərbaycan Respublikası Dövlət Neft Şirkətinin (SOCAR) rəsmi saytı olan socar.az da dizayn və operativliyi baxımından seçilən saytlardandır. Sayt Azərbaycan və ingilis dillərində tərtib edilib. Saytın xəbər lenti mütəmadi yenilənir.

 

Dövlət agentliklərinin elektron resurslarına da nəzər salaq. Dövlət Turizm Agentliyinin rəsmi saytı hələlik istifadəyə verilməyib. Yaxın zamanda agentliyin hazırlanmaqda olan rəsmi elektron resursunun təqdimatının keçiriləcək. Buna baxmayaraq, agentliyin informasiya yayımının bir hissəsi tourismboard.az saytı vasitəsilə həyata keçirilir. Bu sayt yalnız ingilis dilindədir. Bütün məlumatlar ingilis dilində yerləşdirilib, Azərbaycanın təbiəti, səyahət məlumatları haqqında geniş informasiyalar daxil edilib. Elektron resursda, əlaqə vasitələri ilə bağlı isə qıtlıq müşahidə olunur. Elektron poçt ünvanı göstəriləsə də, heç bir əlaqə nömrəsi qeyd edilməyib.

 

Son zamanlar aktiv fəaliyyəti ilə seçilən Qida Təhlükəsizliyi Agentliyinin də rəsmi saytı da istifadəyə verilib. Vətəndaşlar afsa.gov.az domeni ilə agentliyin elektron resursuna daxil ola bilərlər. Bu sayt Azərbaycan və ingilis dillərində fəaliyyət göstərir. Saytın başlıq hissəsində “Ana səhifə”, “Agentlik”, “Qanunvericilik”, “Xidmətlər”, “Qəbul günləri”, “Media” “Beynəlxalq əlaqələr”, “Məlumat”, “Əlaqə”  bölmələri yerləşdirilib. Agentliklə sayt vasitəsilə əlaqə saxlamaq kifayət qədər asandır.

Qida Təhlükəsizliyi Agentliyinin fəaliyyəti operativ olduğuna görə, xəbər lenti də daim yenilənir. AQTA-nın gündəlik tədbirlərini, gördüyü işləri xarakterizə edən xəbərlər və press-relizlər hər gün yayımlanır.

Copat.gov.az domeni ilə fəaliyyət göstərən elektron resurs isə Əqli Mülkiyyət Agentliyinə məxsusdur. Agentliyin saytı Azərbaycan, rus və ingilis dillərində fəaliyyət göstərir. Copat.gov.az-da qurumun fəaliyyətinə uyğun bütün informasiyalar yer alıb. Agentliklə əlaqə vasitələri veb-səhifədə yerləşdirilib. Üstəlik vətəndaşlar birbaşa sayt vasitəsilə dövlət qurumuna onlayn suallarını da ünvanlaya bilərlər.

Copat.gov.az saytının xəbər lenti də mütəmadi yenilənir. Elektron resursun başlıq hissəsində “Ana səhifə”, “Agentlik”, “Qanunvericilik”, “Beynəlxalq əməkdaşlıq”, “Media”, “Əlaqə” bölmələri yerləşdirilib. Xüsusilə, “Media” bölməsinə jurnalistlər, mətbuat orqanları üçün mütəmadi press-relizlər, məlumatlar daxil edilir. Xüsusilə, qeyd etmək istərdik ki, agentliyin bütün sosial şəbəkələrdə aktiv olması, xəbərlərin vətəndaşlara operativ çatdırılması təqdirəlayiq haldır.



2017-ci ildə yaradılan Dövlət Reklam Agentliyinin elektron resursu da nəhayət vətəndaşların istifadəsinə verilib. Adra.gov.az domeni ilə fəaliyyət göstərən rəsmi sayt yalnız Azərbaycan dilində qurulub. Saytda agentliklə əlaqə, reklam daşıyıcılarını maraqlandıran məlumatlar, qurumun fəaliyyəti, strukturu haqqında informasiyalar yerləşdirilib. Agentliyin saytının xəbər lenti yoxdur.

Bu il prezident seçkilərindən sonra ölkənin icra aparatında aparılan islahatlar nəticəsində yeni yaradılan Azərbaycan Respublikasının Antiinhisar və İstehlak Bazarına Nəzarət Dövlət Agentliyinin isə hələlik rəsmi saytı vətəndaşların istifadəsinə verilməyib.

BU KATEQORİYADAN OLAN DİGƏR XƏBƏRLƏR
+ Arxiv
Xocalıda hər iki valideynini itirənlər hələ “şəhid ailəsi” statusu almayıblar 12 Aprel 2021, 11:38 Rövnəq Abdullayev maliyyə nəticələrini Mikayıl Cabbarova təqdim etdi - FOTOLAR 12 Aprel 2021, 11:37 Mərkəzi Bank ödəniş terminalların rəhbərlərinə tapşırıqlar verdi 12 Aprel 2021, 11:32 Gürcüstanın Kəşfiyyat Xidmətinin rəisi Qarabağla bağlı hesabat HAZIRLAYIB 12 Aprel 2021, 11:31 Əhalidən yararsız pullar yığılır  12 Aprel 2021, 11:26 Özbəkistan “ASAN xidmət” modelini öyrənir - FOTO 12 Aprel 2021, 11:21 Ermənilərin Xocavənddə cəsəd axtarışı nəticə vermədi 12 Aprel 2021, 11:19 MTRŞ-nin üzvü ürək tutmasından ÖLDÜ 12 Aprel 2021, 11:13 Pensiya alanlara ŞAD XƏBƏR 12 Aprel 2021, 11:08 “YAŞAT” fondu mühüm humanitar missiyanı yerinə yetirir 12 Aprel 2021, 11:04 Aşıq Ələsgərin 200 illiyinə həsr olunmuş virtual konfrans keçirilib 12 Aprel 2021, 11:00 Səhhətinə görə Türkiyəyə gedən Vahid Əhmədov DANIŞDI: “Müalicə davam edir” 12 Aprel 2021, 10:57 Bakıda avtomat satan şəxs tutuldu - FOTO 12 Aprel 2021, 10:52 Milli Qəhrəmanın anası koronavirusdan vəfat etdi - FOTO 12 Aprel 2021, 10:47 Həkimdən peyvənd olunanlara vacib MƏSLƏHƏT: “Çalışıb bunları edin!” 12 Aprel 2021, 10:41 Elektrik dirəyindən yıxılaraq ÖLDÜ 12 Aprel 2021, 10:39 Milli Konservatoriyada dərslər DAYANDIRILDI 12 Aprel 2021, 10:37 Yas mərasimində iştirak edən 5 nəfər məsuliyyətə cəlb olundu 12 Aprel 2021, 10:32 Sərhədsiz xeyirxahlıq və yaxşılıqlar sahibi - Sərhəd Qasımov 12 Aprel 2021, 10:27 Daha bir həkim koronavirusdan vəfat etdi 12 Aprel 2021, 10:22 Yevlax və Sabirabadda toy edənlər CƏRİMƏLƏNDİ 12 Aprel 2021, 10:17 Ötən gün 17 COVID-19 xəstəsi SAXLANILDI 12 Aprel 2021, 10:12 Deputat turizm mövsümü ilə bağlı qaydalara dəyişiklik İSTƏDİ 12 Aprel 2021, 10:06 Marketə çörək almağa gedən koronavirus xəstəsi YAXALANDI 12 Aprel 2021, 10:00 “Respublika” qəzetinə baş redaktor təyin olundu 12 Aprel 2021, 09:55 Lənkəranın məşhur restoranlarında toy edənlər CƏRİMƏLƏNDİ 12 Aprel 2021, 09:49 Polisin işi artıb: toy mərasimləri ara vermir 12 Aprel 2021, 09:44 Neft yenidən bahalaşdı 12 Aprel 2021, 09:40 Ronaldo bu dəfə formasını yerə atdı 12 Aprel 2021, 09:34 “Bu yaşımda saçım ağarmasaydı, xəcalətimdən cəmiyyət içinə çıxa bilməzdim” - Fəzail İbrahimli 12 Aprel 2021, 09:28 Qarabağ məsələsi Gürcüstan parlamentində 12 Aprel 2021, 09:24 “Şuşa” restoranında toy edənlər CƏRİMƏLƏNDİ 12 Aprel 2021, 09:21 Manatın xarici valyutalara qarşı MƏZƏNNƏSİ 12 Aprel 2021, 09:18 Bakıda istirahət mərkəzində YANĞIN 12 Aprel 2021, 09:13 Beynəlxalq reytinq agentliyi SOCAR-ın reytinqini təsdiqlədi: “Mənfi” 12 Aprel 2021, 09:10