Arxiv
14 May 2019, 11:35 | HADİSƏ
Xətaidəki ağac QALMAQALI - Həmin sahibkar danışdı: “Ay Hacıbala, sənə 1000 manat verdim, sonra 5000 manat istədin”

Məlum olduğu kimi, Xətai rayonu, Məhəmməd Hadi küçəsi, 93/99 ünvanında ağacların icazəsiz köçürülməsi və kəsilməsi faktı böyük ictimai qalmaqala səbəb olub.
Hadisə cinayət tərkibi yaratdığından torpaq mülkiyyətçisi Həzrətəli Temirov (ərazi onun adına oğlu Rüstəm Temirov tərəfindən rəsmiləşdirilib) barəsində toplanmış araşdırma materialları qanunamüvafiq tədbirlərin görülməsi üçün Baş Prokurorluğa göndərilib.

 

Adı çəkilən mülkiyyətçi Rüstəm Temirov isə Modern.az-a açıqlamasında ittihamlarla razılaşmayıb:

 

“Özüm Moskvada, İngiltərədə oxumuş insanam, Dövlət İqtisad Universitetini bitirmişəm. İngiltərədə qalmaq şansım ola-ola vətənə qayıtmışam. Mən həmişə bu dövlət üçün çalışmışam, indi də çalışıram. Həmişə atdığım addımların qanun çərçivəsində olmasına diqqət edirəm, başqa cür ola da bilməz. Mən dəfələrlə Ekologiya və Təbii Sərvətlər Nazirliyinin Dövlət Ekspertiza İdarəsinin rəisi Bilal Dadaşovun qəbulunda olmuşam. Onlara ünvanladığım suallara cavab verə bilmirlər.

 

Nəzərinizə çatdırım ki, 2012-ci ildə Ukrayna dairəsinin yaxınlığında mənim 24 sot çıxarışlı sənədi olan torpaq sahəm vardı. Məndən xahiş edildi və həmin torpağı dövlət fonduna verim. Həmin yerdə hərbçilər üçün bina tikilib. Düşündüm ki, dövlət üçün lazımdırsa, mən bunu etməliyəm. Məhəmməd Hadi küçəsi, 93/99 ünvanındakı torpaq da onun əvəzinə mənə Bakı Şəhəri İcra Hakimiyyəti tərəfindən verilib. Niyə mən qanuni mülkiyyətçisi olduğum torpaqla bağlı problem yaşamalıyam?! Mən istəyirəm ki, hər şey halallıqla olsun. Amma baxıram ki, elə ən böyük haqsızlığı, haramlığı mənə qarşı edirlər. Məni şantaj edirdilər ki, jurnalistləri çağırıb ağacları kəsdiyini deyəcəyik. Mən bütün bunlar ola bilər deyə, foto və videoçəkilişlər aparmışam. Orada Hacıbala kişi deyib ki, ərazidə 200 ağac bir gecədə kəsilib.

Ömür boyu 24 sot torpaqda 200 ağac olmayıb. Ay Hacıbala kişi, sənə 1000 manat verdim, sonra sən 5000 manat istədin. Verməyəndə də belə haqsızlığa əl atdınız. Olmaz belə!”.

 

 

R.Temirov vətəndaş olaraq hüquqlarının tapdandığını bildirib:

 

“Nazirliyin bu addımı tam qanunsuzdur. Azərbaycan Respublikasının Konstitusiyasının 13-cü maddəsində qeyd edilib ki, vətəndaşların mülkiyyəti toxunulmazdır, dövlət tərəfindən qorunur və müdafiə olunur. Bəs mənim hüquqlarım niyə qorunmur?!

Ağac kəsmək cinayət işi deyil ki, bununla bağlı materiallar Baş Prokurorluğa göndərilib.

Nazirlər Kabinetinin 321 saylı qərarı var. Hətta Ekologiya və Təbii Sərvətlər Nazirliyinin rəsmisi İradə İbrahimova hələ 2018-ci ildə jurnalistlərin “mülkiyyətçilər ağacları kəsə bilərmi” sualını cavablandırarkın deyib ki, “əgər həyətyanı bağ sahəsinin resyterdən çıxarışı varsa, ağac vətəndaş tərəfindən kəsilə bilər. Reyster çıxarışı yoxdursa, ağac kəsilməsi qanunevricilikdə qadağandır”.

 

Onun sözlərinə görə, ərazidə ikimərtəbəli obyekt tikdirməyi planlaşdırıb:

“Mən bina tikən deyiləm. Mənim torpaq sahəm tən ortadadır, sağdan da soldan da binaya 40 metr var. Yəni bunun heç kimə maneəsi yoxdur. Mən orada futbol meydanı tikmək istəyirəm”.

 

Qanunun onun tərəfində olduğunu iddia edən mülkiyyətçi deyib ki, proses bu həftə ərzində yekulaşmalıdır:

“Ərazidə cəmi 3-4 şam ağacı vardı, o da yerində qalıb. Mən bütün sağlam meyvə ağaclarını sakinlərin iştirakı ilə köçürmüşəm. Sonadan “biri dedi “3 ağac əkmişəm pulumu ver”, biri dedi “5 ağac əkmişəm, pulumu ver”, o biri dedi “2 ağac əkmişəm, illərdir ona qulluq edirəm pulumu ver”. Mən onlara izah etdim ki, ərazi mənim şəxsi mülkiyyətimdədir, heç kimin məndən pul tələb etmək haqqı yoxdur. Mən özüm halal adamam, mərdiməzarlıq edən deyiləm. Bununla belə üstümə gələnlərin birinə 500 manat, birinə 1000 manat, o birinə 1500 manat verdim ki, bağda əziyyət çəkiblər. Bundan sonra hamısı növbəyə düzülmüşdü pul almaq üçün. Yenə deyirəm mən onlara pul borclu deyildim. Əslində ərazini illərdir istifadə etdiklərinə görə, dövlətə sağ ol deməlidirlər.

 

Digər tərəfdən, ərazidə kəsilən ağacların hamısı qurumuş nar kolları idi. Kəsim aparmazdan əvvəl ərazidə videoçəkiliş də aparmışam. Mən hadisələri hərtərəfəli ölçüb-biçən adamam, bunların başıma gətirilmə ehtimalını düşünmüşdüm. Əncir, alça və s.7-8 növ meyvə ağacı vardı. Onlar da vətəndaşların iştirakı ilə digər əraziyə köçürülüb. Dünən isə ərazidə öz hesabıma 4 metrəlik 39 ədəd şam ağacı əkmişəm. Bu da mənə deyilən “sağ ol!”. İllərdir Xətai rayon İcra Hakimiyyəti oraya verilən suyu kəsdiyi üçün ağaclar qurumuşdu. Gücləri mənə çatır deyəsən”.

BU KATEQORİYADAN OLAN DİGƏR XƏBƏRLƏR
+ Arxiv
1211 nəfər Azərbaycana readmissiya edilib 18 İyul 2019, 12:35 Azərbaycan dili aşiqlərin dilidir... 18 İyul 2019, 12:30 TRT-nin bir qrup əməkdaşı rus səfirinin qətlinin görüntülərinə görə saxlanıldı 18 İyul 2019, 12:27 Paşinyanın doğulduğu rayonda polisə hücum: 13 nəfər saxlanıldı 18 İyul 2019, 12:19 Məsləhət Onundur 18 İyul 2019, 12:03 Bu il 75 nəfər Azərbaycan vətəndaşlığına qəbul edilib 18 İyul 2019, 12:02 Azərbaycanda daha çox qaçqın statusu almaq istəyən ölkələrin vətəndaşları - SİYAHI 18 İyul 2019, 11:59 Ermənilər atəş açdı, Azərbaycan əsgəri yaralandı 18 İyul 2019, 11:48 Azərbaycana gələn əcnəbilərin sayı 6 faiz artıb 18 İyul 2019, 11:40 Nazirlikdə kadr dəyişikliyi - Şöbə müdiri işindən getdi 18 İyul 2019, 11:35 Stoltenberq: “NATO-da Türkiyənin alyansdan çıxarılması fikri səsləndirilməyib” 18 İyul 2019, 11:30 Kamal Abdulla: “ADU-nu maraqlı və faydalı perspektivlər gözləyir” - MÜSAHİBƏ 18 İyul 2019, 11:27 Məhkəmədən Prezidentə şikayət – Bizi intihar həddinə çatdırıblar 18 İyul 2019, 11:18 Çıraqqala abidəsində bərpa işlərinə başlanıldı 18 İyul 2019, 11:17 4219 abonent qazsız qalacaq 18 İyul 2019, 11:10 100 kiloqram yararsız ətin satılmasının qarşısı alındı 18 İyul 2019, 11:05 Ağcabədidə mexanizatorlar üçün təlim keçirilib   18 İyul 2019, 11:00 “Onun vəzifə davası” – ADU müəllimləri etiraz edir 18 İyul 2019, 10:59 İkiyə bölünmüş ada, soydaşlarımızın yaşadığı torpaq, tanınmayan qurum - Heydər Əliyevin şəxsi tərcüməçisi YAZIR 18 İyul 2019, 10:44 Nazirlik jurnalistləri Şəkiyə apardı 18 İyul 2019, 10:33 Gömrük Komitəsi iş adamının iddialarını TƏKZİB ETDİ 18 İyul 2019, 10:24 Fövqəladə Hallar Nazirliyi gücləndirilmiş rejimə keçir 18 İyul 2019, 10:15 Cəbhədəki sakitlik bitdi – Ermənistan iriçaplı silahları və snayperləri işə saldı 18 İyul 2019, 09:53 Azərbaycanda onkoloji xəstələri müəyyən edə bilən yeni metod hazırlanıb 18 İyul 2019, 09:37 Məmur olmaq istəyənlər sınağa çəkilir 18 İyul 2019, 09:34 Vergilər Nazirliyi sosial reklam hazırladı - VİDEO 18 İyul 2019, 09:20 804 minə yaxın mina və partlamamış hərbi sursat zərərsizləşdirilib - ANAMA 18 İyul 2019, 09:03 Zaur Seyidzadə: “Tezliklə Aliment Fondu yaradılacaq” – MÜSAHİBƏ 18 İyul 2019, 08:58 Azərbaycan jurnalistikasının dörd “muşketyoru”... 18 İyul 2019, 08:45 Manat və dolların bugünkü məzənnəsi 18 İyul 2019, 08:45 Natalia Bourjali: “Bu, Avrasiya məkanında ilk təcrübədir və Azərbaycan modelidir” 18 İyul 2019, 08:30 “Bakıxanovlara həmişə haqsızlıq ediblər” - Məşhur nəslin davamçısı 18 İyul 2019, 08:13 “Vahid Mustafayev çoxdan avtomobil idarə etmir” - ANS Şirkətlər Qrupundan saytlara ETİRAZ 18 İyul 2019, 07:41 Çempionlar Liqasında 1-ci təsnifat mərhələsi yekunlaşdı - Bütün NƏTİCƏLƏR 18 İyul 2019, 07:30 Türkiyənin F-35 proqramında iştirakında problem yaranır 18 İyul 2019, 01:00