Arxiv
22 May 2019, 10:34 | AKTUAL
Regional İnsan Hüquqları və Media Mərkəzinin yeni layihəsi başladı

Regional İnsan Hüquqları və Media Mərkəzi icra etdiyi “Məcburi köçkün məktəblərində “Elektron hökumət”in təbliği” layihəsi çərçivəsində Bərdə rayonunda məlumatlandırma sessiyası keçirib.

 

 

Modern.az xəbbər verir ki, tədbirdə Bərdə rayonunda fəaliyyət göstərən Laçın rayonu 24 saylı, Kəlbəcər rayon 92 saylı, Ağdam rayonu 11, 95 saylı,  xüsusən Ağdam rayonu 12 saylı tam  orta məktəblərində çalışan 33 nəfər müəllim iştirak edib.

 

Tədbir barədə iştirakçılara məlumat verən layihə rəhbəri Mehman Hüseynov bildirib ki,  təşkilat 2008-ci ildən fəaliyyət göstərir: “Əvvəlki illərdə əsasən Bərdə, Tərtər, Ağdam, Ağcabədi, Goranboy, Mingəçevir və Yevlax rayonları ərazisində işləsək də, ötən ildən bütün ölkə ərasində fəaliyyət göstərə bilərik. Bu illər ərzində əsas fəaliyyət istiqamətlərimizdən biri də elektron xidmətlərin təbliği olub. Gördüyümüz işlərə görə, Nəqliyyat, Rabitə və Yüksək Texnologiyalar Nazirliyi tərəfindən 2017-ci ildə “Region gəncləri arasında elektron hökumət həllərinin istifadəsini təbliğ edən ən yaxşı təşkilat” seçilmişik. Hazırda icra etdiyimiz Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi verdiyi “Məcburi köçkün məktəblərində “Elektron hökumət”in təbliği” layihəsi üç ay müddətində davam edəcək. Layihəsinin əsas məqsədi  məcburi köçkün məktəblərinin pedaqoji kollektivinin ölkəmizdə təhsil sahəsinə aid göstərilən elektron xidmətlər, elektron informasiya resurslarından istifadə ilə bağlı məlumatlandırması, təhsil işçilərinə elektron xidmətlərdən istifadədə köməklik göstərilməsidir”.

 

 

Daha sonra məruzə ilə çıxış edən Xalid Kazımov bildirib ki, Azərbaycanda elektron xidmətlərin əhatə dairəsi ildən-ilə genişlənir: “Hazırda orta məktəbin hazırlıq qruplarına qəbuldan başlamış, ali məktəblərə sənəd verilməsi, müəllimlərin, məktəb direktorlarının işə qəbulu, müxtəlif bilik yarışları ilə bağlı qeydiyyat kimi onlarla xidməti internet üzərindən almaq olur. Eyni zamanda orta məktəblərdə tədris olunan dərsliklər elektronlaşdırılıb, bəzi dərsliklərin isə səsli variantları hazırlanıb ki, bunları da internet üzərindən istifadə etmək və elektron versiyalarını yükləmək mümkündür. Həmçinin, orta məktəblərdə dərslərin daha maraqlı və informasiya-kommunikasiya texnologiyalarının imkanlarından istifadə edilərək şagirdlərə mənimsədilməsinə imkan verən xeyli elektron resurslar var.

X.Kazımov qeyd edib ki, əvvəlki illərdə məcburi köçkün məktəblərində elektron xidmətlərin tətbiqi ilə bağlı bəzi güzəştlər olsa da, 2019/2020-ci tədris ilində Bakı, Gəncə, Sumqayıt, Mingəçevir, Şirvan, Naftalan şəhərləri və Abşeron, Yevlax, Samux rayonları üzrə orta məktəblərin, o cümlədən həmin şəhər və rayonlarda yerləşən məcburi köçkün məktəblərinin I sinfinə şagird qəbulu elektron sistem vasitəsilə həyata keçirilib: “Gələcəkdə isə bütün ölkə üzrə orta məktəblərin hazırlıq qruplarından başlayaraq elektron sənəd qəbulunun bütün məcburi köçkün məktəblərində də tətbiqi nəzərdə tutulur. Odur ki, işğal altında olan rayonlarımızın orta ümümtəhsil məktəblərində çalışan müəllimlər də elektron təhsil bacarıqlarına yiyələnməlidir. Biz də bu tədbir çərçivəsində çalışacayıq ki, respublikamızda təhsil sahəsinə aid göstərilən elektron xidmətlərlə bağlı məlumat verək”.

 

 

Daha sonra məruzəçi elektron hökumət portalı, Təhsil Nazirliyi, Dövlət İmtahan Mərkəzi vasitəsilə, o cümlədən portallar üzərindən göstərilən elektron xidmətlərlə bağlı iştirakçılara məlumat verdi. Təhsil sahəsi ilə bağlı elektron xidmətlərdən istifadə qaydaları əyani şəkildə nümayiş etdirildi.

 

 

Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının xidmətlərin elektronlaşdırılması sahəsində böyük nailiyyətlər əldə etdiyini bildirən məruzəçi e-qht.az saytının imkanları ilə bağlı iştirakçıları məlumatlandırdı. Həmçinin, Şuraya təqdim olunan layihələrin vətəndaşlar tərəfindən onlayn qiymətləndirilməsi prosesi ilə bağlı iştirakçılara məlumat verdi: “Proqram bu il mayın 14-dən etibarən  istifadəyə verilib. Bu proqram, ekspertlərlə yanaşı, ölkənin bütün vətəndaşlarına müsabiqəyə təqdim olunan QHT layihələrinin qiymətləndirməsində bilavasitə iştirak etmək imkanı yaradır. Artıq vətəndaşlar sistemdə qeydiyyatdan keçərək 2019-cu ilin 2-ci qrant müsabiqəsi çərçivəsində Şuraya təqdim olunan layihələrin qiymətləndirilməsində iştirak edə bilər. Vətəndaş, maliyyələşdirilməsini məqsədəmüvafiq hesab etdiyi layihə haqqında gəldiyi nəticəni rəy bölməsində əsaslandırır və bununla da belə rəylərin (minimum 20 bal, 1 bal 3 rəydir) toplandığı layihənin maliyyələşdirilməsi Şuraya tövsiyə olunmuş hesab edilir”.

 

 

Məruzəçi daha sonra QHTinnovasiya.az saytının yaradılma təşəbbüsünün məqsədi ilə bağlı məlumat verib.

 

Tədbir zamanı elektron xidmətlərdən istifadə etməkdə çətinlik çəkən şəxslərə xidmətlərdən istifadədə köməklik göstərilib. Həmşinin, bildirilib ki, təşkilatın Bərdə rayonu “Qarabağ” qəsəbəsində yerləşən ofisində daimi olaraq əhaliyə elektron xidmətlərdən istifadədə köməklik göstərilir. Ehtiyacı olan hər kəs kompüter avadanlıqları və daimi olaraq yüksək sürətli internetlə təmin olunan ofisə yaxınlaşaraq həm elekton xidmətlərdən istifadə edə, həm də müvafiq məsləhətlər ala bilər.

 

 

Qeyd edək ki, tədbir zamanı iştirakçılara layihə çərçivəsində çap edilən, təhsil sahəsində göstərilən elektron xidmətlərlə bağlı məlumatların toplandığı buklet paylanılıb.

BU KATEQORİYADAN OLAN DİGƏR XƏBƏRLƏR
+ Arxiv
Çempionlar Liqasının püşkatma mərasimi keçiriləcək 10 İyul 2020, 00:44 Ayaz Mütəllibov Ramiz Mehdiyevi müdafiə etdi 10 İyul 2020, 00:32 Xalq artistinin oğlu vəfat etdi 10 İyul 2020, 00:14 Bakıda internet problemi yarandı 9 İyul 2020, 23:57 Nazir Səttar Mehbalıyevin oğlu ilə bağlı əmr VERDİ 9 İyul 2020, 23:45 AZAL Kiyevdən 189 azərbaycanlını vətənə gətirdi - FOTOLAR 9 İyul 2020, 23:27 Çin daha bir rabitə peykini orbitə çıxardı 9 İyul 2020, 23:15 Avropa Liqasının qrup mərhələsində VAR sistemi tətbiq edilməyəcək 9 İyul 2020, 22:59 Bank kreditləri üzrə dövlət dəstəyi veriləcək subyektlər müəyyənləşdi 9 İyul 2020, 22:43 Dağlıq ərazidə baş verən yanğın söndürüldü 9 İyul 2020, 22:30 İtaliyada 34 926 nəfər koronavirusun qurbanı oldu 9 İyul 2020, 22:16 Süni tənəffüs aparatına qoşulan xəstələrin sayı 59-a çatdı - FOTO 9 İyul 2020, 22:00 Siam əkizlərini 18 saat davam edən əməliyyatla ayrılıblar 9 İyul 2020, 21:44 Türkiyədə koronavirusdan ölənlərin sayı 5 300-ə çatıb 9 İyul 2020, 21:28 Zərdabda Kürdə batan 3 nəfərdən birinin meyiti tapıldı - YENİLƏNİB 9 İyul 2020, 21:14 6050 obyektdə sanitar-epidemioloji tələblər pozulub 9 İyul 2020, 21:09 Qoşulmama Hərəkatının COVID-19-a qarşı mübarizə üzrə görüşü keçirilib 9 İyul 2020, 20:53 Smartfonların elektromaqnit radiasiya səviyyəsi açıqlandı - SİYAHI 9 İyul 2020, 20:41 Azərbaycanda internetin keyfiyyəti yaxşılaşacaq 9 İyul 2020, 20:33 Nazirlər Kabinetindən əməkhaqları ilə bağlı QƏRAR 9 İyul 2020, 20:03 Pandemiya ilə mübarizə aparan tibb işçiləri ilə bağlı 2 VACİB TƏKLİF                              9 İyul 2020, 19:54 Jurnalistlər ev almaq üçün indi heç kimə yaltaqlanmırlar... 9 İyul 2020, 19:45 Azərbaycanda daha 548 nəfər virusa yoluxdu, 10 nəfər öldü 9 İyul 2020, 19:31 Rusiya XİN-I Azərbaycanın təşəbbüsünü ALQIŞLADI 9 İyul 2020, 19:04 Müəllimlərin iş yerinin dəyişdirilməsi müsabiqəsinin nəticələri AÇIQLANIB 9 İyul 2020, 18:58 İsveçdə hər plastik torba üçün 55 qəpik vergi tutulur 9 İyul 2020, 18:51 Turizm Təlim və Sertifikasiya Mərkəzi yaradılıb 9 İyul 2020, 18:40 Daha bir həkim koronavirusa yoluxdu 9 İyul 2020, 18:23 Jirinovski saxlanılan qubernatora görə Dövlət Dumasını hədələdi 9 İyul 2020, 18:16 Zakir Həsənov türkiyəli həmkarına başsağlığı verib 9 İyul 2020, 18:08 Mehriban Əliyeva göstəriş verdi - Böyük Şor gölü təmizlənsin 9 İyul 2020, 17:58 Dolların məzənnəsi sabit qaldı 9 İyul 2020, 17:52 Azərbaycanda tanınmamış müğənni karantini pozdu - FOTO 9 İyul 2020, 17:46 Azərbaycanda koronavirusa yoluxma ehtimalı yüksək olan şəxslər müəyyənləşdi  - “E-Təbib”-dən AÇIQLAMA 9 İyul 2020, 17:40 Xüsusi karantin bölgəsinin deputatları seçicilərə ÇAĞIRIŞ ETDİLƏR 9 İyul 2020, 17:38