Bakıda müşahidə edilən güclü külək daha bir nəfəri xəstəxanalıq edib. Belə ki, Paytaxtın Səbail rayonunda Filarmoniyanın yaxınlığında ağacın budağı qırılaraq, 20 yaşlı qadının üstünə düşüb.
Səhiyyə Nazirliyinin (SN) mətbuat xidmətindən Modern.az-a verilən məlumata görə, çağırış saat 12:05-də olub:
“Həmin şəxs Klinik Tibbi Mərkəzə çatdırılıb. Həkimlər xəstənin vəziyyətini orta ağır qiymətləndirirlər”.
Qeyd edək ki, analoji hal Sumqayıtda da yaşanıb. Güclü külək nəticəsində qırılan ağac budaqları 10 yaşlı qızın üstünə aşıb, o da xəstəxanaya yerləşdirilib.
